काठमाडौं, २७ पौष । नेपाली राष्ट्रिय महिला क्रिकेट टोलीले घरेलु क्रिकेट मैदानमा त्रिकोणात्मक टी २०अ अन्तर्राष्ट्रिय श्रृखला खेल्ने भएको छ ।

नेपाल क्रिकेट संघ (क्यान)ले शनिवार एक विज्ञप्ति जारी गर्दै नेपाली राष्ट्रिय महिला टोलीले माघ १७ देखि २५ तद्अनुसार जनवरी ३० देखि फेब्रुअरी ७ गते टी २० अन्तर्राष्ट्रिय श्रृखला खेल्ने जानकारी दिएको हो ।

त्रिकोणात्मक सिरिज नेपालका, नेदरल्याण्ड्स र थाइल्याण्डको महिला टोलीको सहभागिता रहनेछ । सिरिजका सबै खेल कीर्तिपुरस्थित त्रिभुवन विश्वविद्यालयको क्रिकेट मैदानमा हुनेछ ।

सिरिजको खेल तालिकामा अनुसार नेपालको पहिलो खेल उद्घाटनकै दिन नेदरल्याण्ड्ससँग हुनेछ । सिरिजमा हरेक टोलीले हरेकसँग तीन पटक खेल्नेछन् । सबैले सबैको तीन पटक सामना गरेपछि अंकतालिकाको शीर्ष स्थानमा रहने टोली विजेता बन्नेछ ।

नेपाली महिला टोलीले घरेलु मैदानमा खेल्न लागेको यो दोस्रो टी २० अन्तर्राष्टिय श्रृखला हो । यसअघि नेपालले घरेलु मैदानमा सन् २०२२ को मे महिनामा युगान्डासँग ५ खेलको टी २० अन्तर्राष्ट्रिय श्रृखला खेलेको थियो ।

सिरिजमा नेपाली टोलीको खेलतालिका

३० जनवरी अर्थात माघ १७ गते – नेदरल्याण्ड्ससँग
३१ जनवरी अर्थात माघ १८ गते – थाइल्याण्डसँग
२ फेब्रुअरी अर्थात माघ २० गते – नेदरल्याण्ड्ससँग
३ फेब्रुअरी अर्थात माघ २१ गते – थाइल्याण्डसँग
५ फेब्रुअरी अर्थात माघ २२ गते – नेदरल्याण्ड्ससँग
६ फेब्रुअरी अर्थात माघ २३ गते –

(स्रोतः हाम्रो खेलकुद)