काठमाडौँ । रामेछापमा बस दुर्घटना परेर जीवन गुमाउनेको संख्या १२ पुगेको छ ।
मन्थली नगरपालिका–५ मसानटारमा आज बिहान भएको बस दुर्घटनामा १२ जनाको मृत्यु भएको प्रहरीले जनाएको छ ।
बसमा कति यात्रु सवार थिए भन्ने खुलिसकेको छैन् ।
०३०१–०००५ख–९९७५ नम्बरको बस काठमाडौंबाट ओखलढुंगातर्फ जाँदै थियो । तीनवटै सुरक्षा निकाय खोज कार्यमा जुटेका छन् ।
रामेछापको सेलेघाटमा यात्रुवाहक बस दुर्घटना भएको स्थानमा उद्धार गर्न सशस्त्रको गोताखोर परिचालन गरिएको छ ।
विपद् व्यवस्थापन बेश खुर्कोट, सिन्धुलीबाट १० जना गोताखोर दुर्घटनास्थलमा परिचालन गरिएको सशस्त्र प्रहरी बलका सह प्रवक्ता डीएसपी शैलेन्द्र थापाले बताउनुभएको छ ।
रामेछापका प्रहरी नायव उपरीक्षक भोला भट्टले घाइतेको खुर्कोटस्थित शुभ जीवन अस्पताल, मन्थली अस्पताल र तामाकोशी अस्पतालमा उपचार भइरहेको छ । बस चालकलाई प्रहरीले नियन्त्रणमा लिएको उहाँले बताउनुभयो ।
बसका बाँकी यात्रुको अझै खोजतलाश जारी रहेको प्रहरीले जनाएको छ ।
दुर्घटना स्थलमा उद्धारको लागि रामेछापका डीएसपी भोला भट्ट नेतृत्वको टिम खटिएको छ ।
