डडेल्धुरा, ६ मंसिर । डडेल्धुरामा भएको बस दुर्घटना परि १६ जनाको मृत्यु भएको छ।
डा. केआई सिंह राजमार्गअन्तर्गत डडेल्धुराको अमरगढी नगरपालिका–११ रडुवा खोलामा से १ क २९३ नम्बरको बस खस्दा १० जनाको घटनास्थलमा र ६ जनाको जिल्ला अस्पताल डडेल्धुरामा मृत्यु भएको हो ।
बस सडकबाट २०० मिटर तल खोलामा खसेर दुर्घटना भएको प्रहरीले जनाएको छ ।
दुर्घटनामा २७ जना घाइते भएका छन् । घाइतेहरुको जिल्ला अस्पताल डडेल्धुरामा उपचार भइरहेको छ ।
अमरगढी नगरपालिका–८ स्थित उग्रताराको मन्दिरमा लागेको मेलाबाट फर्कनेक्रममा डोटी जाँदै गरेको बस दुर्घटनामा परेको हो ।
