काठमाडौं, २९ पौष । नेपाली कला क्षेत्रले अर्का साधक गुमाएको छ । नेपाली गायन क्षेत्रका पारखी गायक निशान भट्टराईको सवारी दुर्घटनामा निधन भएको हो ।
सोमबार राति निवास फर्कने क्रममा उहाँको कार विजुलीको पोलमा ठोक्किदा उहाँको निधन हुन गएको थिो । दरबारमार्गस्थित बानथाई रेस्टुरेन्टबाट मंगलबार राति निवास फर्कने क्रममा आफैले चलाएको कार तीनकुनेस्थित पोलमा ठोक्किएर दुर्घटना भएको थियो ।
दुर्घटनामा गम्भीर घाइते हुनुभएको निशानलाई उपचारका लागि ट्रमा सेन्टर लगिएको थियो । अस्पतालमा नै उहाँको निधन भएको हो ।
गजल गायनका पारखी निशानले स्टेजसँगै होटल तथा रेस्टुरेन्टहरूमा गजल गाउने गर्नुहुन्थ्यो ।
उहाँ गायिका लोचन भट्टराईका भाइ हुनुहुन्छ ।
