जनकपुरधाम(धनुषा), २९ पौष । मोडेल मल्टिपल कलेज जनकपुरको बसले मोटरसाइकललाई ठक्कर दिँदा धनुषामा दुई युवाको मृत्यु भएको छ।
मंगलबार दिउँसो जनकपुर ढल्केबर सडकखण्डको लक्ष्मीनिया र सपहीको बीचमा ढल्केबरबाट जनकपुरतर्फ गइरहेको ज१क २८२ नम्बरको कलेज बसले विपरीत दिशाबाट आउँदै गरेको ज१०प ३५३५ नम्बरको मोटरसाइकललाई ठक्कर दिँदा युवाहरुको मृत्यु भएको हो।
मृत्यु हुनेमा लक्ष्मीनिया वडा ७ पर्सापकडियाका २५ वर्षीय सन्तोस ठाकुर र क्षिरेश्वर नगरपालिकाका २५ वर्षीय अनवर राई रहेका छन्।
दुवै जनाको घटनास्थलमै मृत्यु भएको प्रहरीले जनाएको छ।
