काठमाडौं ,९ माघ । नेपाली राष्ट्रिय फुटबल टोलीका नम्बर एक गोलरक्षक किरण चेम्जोङ चर्चित हिरो आई लिग (इण्डियन लिग) क्लब मिनर्वा पञ् जाबमा अनुबन्धित भएका छन् ।
यस सिजन प्रतिष्ठित आई लिग उपाधि जित्ने संघारमा रहेको लिगलिडर पन्जाबले किरणलाई अनुबन्ध गरेको पुष्टि गरेको छ ।
थ्रीस्टार क्लब, मनाङ मस्र्याङ्दी क्लब हुँदै माल्दिभ्सको चर्चित क्लब टिसी स्पोर्ट्सबाट समेत व्यवसायिक फुटबल खेलिसकेका २७ बर्षीय चेम्जोङ एन्फा एकेडेमीका उत्पादन हुन ।
आई लिगको पहिलो डिभिजनमा बढुवा भएको एक बर्ष पछि नै उपाधि जित्ने अभियानमा रहेको पञ्जाब यस सिजन ९ खेल खेल्दै ७ जितका साथ २२ अंक जोड्दै शिर्ष स्थानमा छ ।
