सानेपा(ललितपुर), २५ श्रावण नेपाली कांग्रेसले पार्टीका तर्फबाट स्थानीय तहमा विजयी भएका जनप्रतिनिधिका लागि अभिमुखीकरण कार्यक्रम गर्ने भएको छ।
कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा यही साउन ३० र ३१ गते ललितपुरमा सो कार्यक्रम हुनेभएको हो।
कार्यक्रमको समुद्घाटन प्रधानमन्त्री एवं कांग्रेस सभापति शेरबहादुर देउवाले गर्नुहुने कार्यक्रम छ । प्रधानमन्त्री एवम् पार्टी सभापति देउवा प्रमुख आतिथि हुनुहुने सो कार्यक्रममा स्थानीय तह निर्वाचनमा निर्वाचित जिल्ला समन्वय समितिका प्रमुख र उपप्रमुख, महानगर, उपमहानगर पालिकाका प्रमुख र उपप्रमुख, गाउँपालिका अध्यक्ष र उपाध्यक्ष सहभागी हुने मुख्यसचिव कृष्णप्रसाद पौडेलले बताउनुभयो।
नेपाली कांग्रेसले मङ्सिर ४ गते हुने प्रतिनिधि सभा र प्रदेश सभाको निर्वाचनको तयारीस्वरूप पार्टीले भदौ २ देखि २४ गतेसम्म देशव्यापी जागरण अभियान सञ्चालन गर्ने निर्णय गरिसकेको छ।
