काठमाडौं, १० श्रावण । प्रधानमन्त्री केपी शर्मा ओलीले सौर्य एयरलाइन्सको विमान दुर्घटनाका घाइते क्याप्टेन मनिष शाक्यको स्वास्थ्य अवस्थाबारे जानकारी लिनुभएको छ।
बुधबार साँझ केएमसी अस्पताल सिनामंगल पुगेर प्रधानमन्त्री ओलीले शाक्यको स्वास्थ्यबारे जानकारी लिनुभएको हो।
बुधबार भएको विमान दुर्घटनामा घाइते भएका पाइलट शाक्यको उपचार भइरहेको छ।
दुर्घटनामा उहाँबाहेक विमानमा रहेका १८ जनाकै ज्यान गएको छ।
प्रधानमन्त्री ओलीले दुर्घटनाको खबर पाएलगत्तै बुधबार दिउँसो घटनास्थल त्रिभुवन विमानस्थल पुगेर घटनाबारे पनि जानकारी लिनुभएको थियो।
