कीर्तिपुर(काठमार्डौ), ३ पौष । सिद्धार्थ बैंक नेपाल प्रिमियर लिग अन्तरगतको इलिमिनेटर खेलमा चितवनलाई राइनोजलाई २१ रनले हराउँदै कर्णाली याक्स क्वालिफयारमा प्रवेश गरेको छ ।
बुधबार भएको खेलमा चितवन राइनोजलाई २१ रनले हराउँदै कर्णाली क्वालिफायरमा प्रवेश गरको हो ।
त्रिवि क्रिकेट मैदानमा कर्णालीले दिएको १७६ रनको लक्ष्य पछ्याएको चितवनले निर्धारित २० ओभरमा ९ विकेट गुमाउँदै १५४ रन बनायो ।
चितवनका लागि रवी बोपराले अर्धशतकीय पारी खेले । ३४ बल खेलेका उनले ३ चौका र ४ छक्का प्रहार गरे । त्यस्तै कप्तान कुशल मल्लले २१ रन बनाए ।
कर्णालीका लागि जिसन कक्सुदले ३ विकेट लिए । त्यस्तै सोमपाल कामी र नन्दन यादवले २–२ विकेट लिए ।
यसअघि टस हारेर पहिले ब्याटिङ गरेको कर्णालीले निर्धारित २० ओभरमा ६ विकेट गुमाउँदै १७५ रन बनाएको थियो ।
कर्णालीका लागि जयकिशन कोल्सावाला र विलियम बोसिस्टोले अर्धशतक बनाए । बल ४९ बल खेलेका कोल्सावालाले ६ चौका २ छक्काको सहयोगमा ५३ रन बनाए ।
त्यस्तै ३९ बल खेलेका विलियमले ३ चौका र २ छक्काको सहयोगमा ५२ रन बनाए । कर्णालीका चाड्विक वाल्टनले ४६ रन जोडे ।
चितवनका लागि सोहिल तनविरले २ विकेट लिए । त्यस्तै शरद भेषवाकर, कुशल मल्ल र रवी बोपराले १–१ विकेट लिए ।
आजको खेलमा जित निकाल्दै कर्णाली क्वालिफायरमा प्रवेश गरेको छ । दोस्रो क्वालिफायरमा कर्णालीले जनकपुर बोल्ट्स र सुदूरपश्चिम रोयल्ससँग पराजित हुने टोलीसँग खेल्नेछ ।
