काठमाडौं, २० साउन । नेपाली कांग्रेस स्याङ्जा जिल्ला सभापति एवम् पूर्व सांसद कमल पंगेनिको निधन भएको छ ।
हिजो बेलुका स्याङ्जा बयरघारीस्थित आफ्नै निवासमा खाना खाएर सुत्नुभएका पंगेनी बिहान गम्भीर अवस्थामा भेटिनुभएपछि उहाँलाई अस्पताल पुर्याइएकोे थियो ।
अस्पतालमा चिकित्सकहरुले उहाँलाई मृत घोषित गरेका थिए ।
उहाँको निधनमा नेपाली कांग्रेसका सभापति शेरबहादुर देउवा, वरिष्ठ नेता रामचन्द्र पौडेल, उपसभापति विमलेन्द्र निधि,महामन्त्री शशांक कोइराला र पूर्ण बहादुर खड्का, सहमहामन्त्री डा. प्रकाशशरण महत, कोषाध्यक्ष सितादेवी यादव लगायत केन्द्रीय सदस्यहरु,भातृ तथा शुभेच्छुक संगठनका सभापति एवम् पदाधिकारी्, सांसदहरु सहित शुभेच्छुकहरुले श्रद्धाञ्जली अपर्ण गर्दै शोक सन्तप्त परिवारजनप्रति समवेदना व्यक्त गरेका छन् ।
