काठमाडौँ, ९ माघः स्थानीय बजारमा आज सुनचाँदीको मूल्यले कीर्तिमान कायम गरेको छ ।  बिहीबारको तुलनामा आज प्रतितोला सुन रु ९ हजार २ सय  र चाँदी रु ३ सय २० ले बढेको छ ।

नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य रु तीन लाख एक हजार ४ सय त्यति नै चाँदीको मोल रु छ हजार १ सय ९० कायम भएको छ ।

गत बुधबार एक तोला छापावाल सुनको मूल्य रु २ लाख ९५ हजार १ सय  र त्यति नै चाँदीको मोल रु ५ हजार ९ सय २० कायम भएको थियो । मङ्गलबार एक तोला छापावाल सुनको मूल्य रु २ लाख ८४ हजार ७सय त्यति नै चाँदीको मोल रु ५ हजार ८ सय ८० कायम भएको थियो । गत आइतबार एक तोला सुन रु २ लाख ७८ हजार ८ सय र त्यति नै परिमाणको चाँदी रु ५ हजार ६ सय २५ मा कारोबार भएको थियो । सोमबार एक तोला सुन रु २ लाख ८२ हजार र त्यति नै परिमाणको सेतो धातु रु ५ हजार ८ सय १० मा खरिदबिक्री  भएको थियो ।

अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा एक औँस सुन ४ हजार ९ सय ६० र त्यति नै परिमाणको सेतो धातु ९८ अमेरिकी डलरमा कारोबार भइरहेको छ ।