सान्या(चीन), ६ मंसिर (बीबीसी) । मिस वर्ल्ड २०१८ को अन्लाइन भोटिङमा ३० प्रतिशतभन्दा बढी मत पाएकी नेपालकी शृङ्खला खतिवडा सो अन्तर्राष्ट्रिय सौन्दर्य उपाधिको एक खुड्किलो नजिक पुगेकी हुन् कि भनेर नेपालीहरूमाझ उत्साह देखिएको छ।
नेपालको प्रतिनिधित्व गर्दै चीनमा जारी प्रतियोगीमा सहभागी भएकी मिस नेपाल २०१८ खतिवडाबारे धेरैले सामाजिक सञ्जालमा चासो व्यक्त गरेका छन्।
नेपाली प्रतियोगीले अन्तर्राष्ट्रिय सौन्दर्य प्रतियोगितामा गरेको अहिलेसम्मकै उत्कृष्ट प्रदर्शनी भन्दै उनको प्रशंसा पनि भएको छ।
प्रतियोगिताको मुख्य प्रतिस्पर्धा भने डिसेम्बर ८ मा हुनेछ।
के भन्छन् नेपालीहरू ?
सामाजिक सञ्जालमा शृङ्खला सबैभन्दा क्षमतावान् प्रतियोगी भएकी र उनले उपाधि जित्ने दाबी गर्नेहरू पनि छन्।
उनी नेपालकै गौरव भएकाले उनलाई अन्लाइन भोटिङमार्फत् जिताउन अभियान गर्नेहरू पनि छन्।
Shrinkhala Khatiwada is a front Runner in this Miss World 2018.
She could be the best Tourism Ambassador of Nepal.
Pls Just vote her and make this happen. This will give Nepal a great exposure in world arena.@RabindraADH @RabindraMishra @thapagk @yogesbhattarai
— दिपक पौड्याल (@DpakPoudyal) November 22, 2018
उनी नेपालको पर्यटन प्रवर्धनका लागि उपयोगी हुन सक्ने टिप्पणी पनि गरिएको छ।
शृंखला खतिवडा ले जिते नयाँ रेकर्ड र नेपालको #VisitNepal2020 लाई पनि ठुलो प्रचारात्मक सहयोग पुग्ने छ। त्यसैले #MissWorldVote @MissWorldNepal लाई भोट गर्न र गराउन नछुटाउन अनुरोध गर्दछु।
Please vote for Miss World contestant @MissWorldNepalThank you!#visitnepal #VisitNepal2020
— Madhav Neupane (Nabin) (@madhav_neu) November 21, 2018
https://twitter.com/aryalaliya/status/1065050832121413633
सत्तारूढ नेपाल कम्युनिस्ट पार्टीका नेता योगेश भट्टराईले पनि शृङ्खलाको परिचयात्मक भिडिओ ट्विट गरेका छन्।
थोरै समयभित्र यति धेरै बिषय समेटिएको नेपालको परिचय Nepal – Shrinkhala Khatiwada – Contestant Introduction (Miss World 2018) https://t.co/D9yzJBFF2j via @YouTube
— Yogesh Bhattarai (@yogesbhattarai) November 22, 2018
Shrinkhala Khatiwada is the most deserving and strongest contestant of Miss World 2018. This year the world will witness the beauty of the Himalayan country Nepal. Lets all give her a support. #MissWorld2018 #Nepal pic.twitter.com/hgCYdsOsbW
— Ram CG (@ram158edmonton) November 22, 2018
मिस वर्ल्ड २०१८ प्रतियोगिताका लागि बनाइएको सो भिडिओ युट्युबमा १३ लाख भन्दा बढी पटक हेरिसकिएको छ।
जारी प्रतियोगिताअन्तर्गत भर्खरै सम्पन्न उत्कृष्ट मोडलको प्रतिस्पर्धामा शृङ्खला शीर्ष ३० मा परेकी थिइन्।
अब हुन बाँकी मल्टिमिडिया, ब्युटी विथ पर्पोज र अन्य उपाधिका लागि आफूले राम्रो प्रदर्शन गर्ने अपेक्षा राखेको उनले लेखेकी छन्।
अन्लाइन भोटिङ
बिहीवार मध्याह्नसम्म प्राप्त मतका आधारमा शृङ्खला अरू प्रतियोगीभन्दा धेरै माथि देखिएकी छन्।
मिसवर्ल्डभोट डट कम नामक वेब्साइटका अनुसार शृङ्खलाले ३२ प्रतिशत मत पाउँदा युगान्डाकी प्रतियोगीले १० प्रतिशत, फ्रान्सकी प्रतियोगीले ८ प्रतिशत र रुस एवम् तान्जानियाका प्रतियोगीले चार/चार प्रतिशत मत पाएका छन्।
शृङ्खला पेसाले आर्किटेक्ट हुन्।
शृङ्खलाका बुवा विरोध खतिवडा सङ्घीय संसद्मा र आमा मुनु सिग्देल प्रदेश नम्बर ३ को प्रदेशसभामा सदस्य छन्।
चीनमा हुँदै गरेको प्रतियोगितामा १२० देशका सुन्दरीहरू प्रतिस्पर्धा गर्दैछन्।
उनीहरूलाई २० वटा समूहमा बाँडिएको छ।
