लण्डन (संयुक्त अधिराज्य), ५ मंसिर । नेपाली चलचित्र पासवर्डमा बलिउडकी पोर्नस्टार सन्नी लियोनको आईटम डान्स देख्न पाइने भएको छ ।
“आजको शाम बेबी” बोलको गीतमा सन्निको आइटम डान्स लगाएर लण्डनको किङस्टनस्थित प्रिज्म नाइटक्लबमा दुई दिन लगाएर छायांकन गरिएको थियो।
सनीले विक्रम जोशीले रचना गरेको तथा अर्जुन पोख्रेलले संगीतबद्ध गरेको “आजको शाम बेबी” भन्ने गीतमा नृत्य गरेकी थिइन्।
नृत्यको कोरियोग्राफी चर्चित भारतीय कोरियोग्राफर विष्णु देवाले गरेका थिए।
छायांंकन सकेर भारत फर्कन लागिेकी सन्नीले नेपाली चलचित्र पासवर्डको नृत्य सिक्वेन्समा सहभागी हुन पाउँदा आफूलाई निकै खुसी लागेको आफूलाई नेपाल निकै मन पर्ने भएकोले नेपाली दर्शकहरुले यो नृत्य सहित पुरै चलचित्र मनपराईदिने विश्वास व्यक्त गरेकी थिइन ।
कलाकारको पारिश्रमिक तथा अन्य खर्च जोडदा लण्डनमा छायांकन गरिएको सो गीत नेपाली चलचित्रकै अहिलेसम्मकै सबैभन्दा खर्चिलो गीत भएको बताइएको छ।
चलचित्र सन् २०१९ को शुरुमा रिलिज हुने बताइएको छ। सिनेम्याक्स लण्डन लिमिटेडसंगको सहकार्यमा बनाउन लागिएको सो पहिलो फिल्ममा चलचित्र ‘ह्याप्पी डेज’ मार्फत अभिनयमा डेब्यु गरेका विक्की जोशी, दुई नवनायिका परी राना, लिसा सुनार, छुल्ठिम गुरुङ, अनुपविक्रम शाही, रविन्द्र झा, बुद्धि तामाङ र विक्रान्त बस्नेत मुख्य कलाकार छन् ।
विक्की फिल्मका क्रिएटिभ निर्देशक समेत हुन् । सस्पेन्स, एक्सन र थ्रीलरले भरिपूर्ण सो फिल्मको निर्देशन सम्राट बस्नेतले गरेका छन् । यसअघि उनले दर्जनौं फिल्ममा एक्सन कोरियोग्राफी गरिसकेका छन् । सौरभ लामाको छायांकन रहेको फिल्मलाई सीमा गुरुङ, एलिस अधिकारी, विक्की जोशी र सम्राट बस्नेत मिलेर लेखेका हुन् ।
झण्डै ९० प्रतिशत भन्दा बढी छायांकन बेलायतमा र अरु नेपालमा गरिएको सो फिल्मलाई नेपालको चलचित्र विकास बोर्डसहित ब्रिटिश फिल्म इन्स्च्यिुटमा समेत दर्ता गरिएको छ ।
