सानेपा(ललितपुर),१० माघ । नेपाली कांग्रेसको केन्द्रीय कार्यसमितिको बिहिबार बसेको बैठकमा नेताको नाममा खुलेका अस्पताल, डा. गोविन्द के.सी.को अनशन, चिकित्सा शिक्षा विधेयक, संबैधानिक परिषद्को बैठक,निर्मला पन्तको हत्या प्रकरण र नेपाल विद्यार्थी संघको अधिवेशन तथा कार्यसमितिको कार्यावधिका विषयले प्रवेश पाएको छ ।

पार्टीको केन्द्रिय कार्यालय सानेपा ललितपुरमा बसेको बैठकमा वरिष्ठ नेता रामचन्द्र पौडेल, उपसभापति विमलेन्द्र निधि, महामन्त्री पूर्णबहादुर खड्का, केन्द्रीय सदस्यहरु – कृष्णप्रसाद सिटौला, महेश आचार्य, बालकृष्ण खाँण, दिलेन्द्रप्रसाद बडू, डा. शेखर कोइराला, जीवनबहादुर शाही, शंकर भण्डारी, गगनकुमार थापा, देवेन्द्रराज कँडेल र रमेश लेखकले आ–आफ्नो धारणा राख्नु भएको थियो ।

कांग्रेसले आफ्ना नेताद्धय गिरिजाप्रसाद कोइराला र सुशील कोइरालाको नाममा स्थापना भएका अस्पताललाई संघीय सरकार अन्तरगत नराखी प्रदेश सरकार अन्तरगत राख्ने सरकारको निर्णयको विरोध गर्दै आएको छ । त्यस्तै चिकित्सा शिक्षा विधेयकको प्रावधानलाई लिएर अनशनरत डा. गोविन्द के.सी.को माग पूरा गर्न पनि माग गरेको छ । संसदमा विधेयक जवरजस्ती पारित गर्न खोजे प्रतिरोध गर्ने निर्णय पनि गरेको छ ।

नेपाली कांंग्रेसको यो बैठकमा सत्तापक्षले प्रतिपक्षको अस्तित्वलाई नकार्न लागेको विषयमा पनि कुरा उठेको छ । गत आइतबार संसदका प्रमुख प्रतिपक्षी दलका नेताको उपस्थितिबिना बसेको संबैधानिक परिषदको बैठकले ५ वटा संंवैधानिक आयोगका प्रमुखको शिफारीश गरेको छ । यी आयोगहरुमा प्राकृतिक स्रोत तथा वित्त आयोग,समावेशी आयोग,थारु आयोग,मुस्लिम आयोग,मधेशी आयोग छन् ,

आइतबार सिंहदरबारमा प्रधानमन्त्री केपी शर्मा ओलीको अध्यक्षतामा बसेको परिषद् बैठकले सो सिफारिस गरेको थियो। बैठकले राष्ट्रिय प्राकृतिक तथा वृत आयोगको अध्यक्षका लागि पूर्वसचिव बालानन्द पौडेललाई सिफारिस गरेको छ। त्यस्तै, समावेशी आयोगमा पूर्वसचिव शान्ताराज सुवेदी, मधेशी आयोगमा विजय कुमार दत्त, थारू आयोगमा विष्णुकुमार चौधरी र मुस्लिम आयोगका अध्यक्षका लागि समिम अन्सारीलाई सिफारिस गरेको छ।
बैठकमा भ्रातृ संस्था नेपाल विद्यार्थी संघको वर्तमान केन्द्रीय कार्यसमितिको थपिएको पदावधि यही माघ २ गते समाप्त भइसकेको विषयले प्रवेश पाएको छ। संघको वर्तमान कार्यसमिति २०७३ भदौ २ गते दुई वर्षे कार्यकालका लागि निर्वाचित भएको थियो।

बैठकमा बलात्कारपछि हत्या गरिएकी कञ्चनपुरकी बालिका निर्मला पन्तको हत्याराको खोजी र कारबाहीको विषयले पनि प्रवेश पाएको छ ।

बैठकमा पार्टीको गत मंसिर २८ देखि पुस ८ गतेसम्म काठमाडौंमा भएको महासमिति बैठकमा केन्द्रीय कार्यसमितिले परिमार्जन गर्ने गरी पारित गरेका पाँच प्रतिवदेनलाई अन्तिम रुप दिई पारित गर्ने विषय पनि उठेका छन् ।

केन्द्रीय कार्यसमितिको अर्को बैठक २०७५ माघ १३ गते दिनको १ः०० वजे पार्टीको केन्द्रीय कार्यालयमा पुनः वस्नेछ ।

विज्ञप्ति जस्ताको तस्तै: