काठमाडौं,१२ माघ। नेपाल विद्यार्थी संघका कार्यकर्ताहरुले प्रधानमन्त्री केपी शर्मा ओलीलाई एयरपोर्टमा कालोझण्डा देखाएका छन् ।
स्वीजरल्याण्डको डाभोस शहरमा विश्व आर्थिक मञ्चको बैठकमा सहभागी भएर स्वदेश फर्कनुभएका प्रधानमन्त्री ओलीलाई कालोझण्डा देखाउने नेविसंघका विद्यार्थी नेताहरु पक्राउ परेका छन्।
नेपाली कांग्रेसका नेताहरुको नाममा स्थापित अस्पताललाई संघीय सरकार अन्तरगत नराख्ने गरि गरिएको विभेद र
स्वास्थ्य शिक्षा विधेयक मेडिकल माफियाको स्वार्थ अनुकूल पारित गर्ने तारतम्य मिलाएको विरोधमा नेपाल विद्यार्थी संघका कार्यकर्ताहरुले प्रधानमन्त्रीलाई कालो झण्डा देखाएका हुन्।
एयरपोर्टकै अति संवेदनशिल क्षेत्रमै प्रधानमन्त्री ओलीलाई कालो झण्डा देखाउने नेविसंघका नेताहरु शुसिल भट्ट, निरञ्जन थापा, सुवास घिमिरे र सुदिप अधिकारीलाई प्रहरीले नियन्त्रणमा लिएको छ।
