काठमाडौं, ११ भाद्र । अभिनेता भुवन केसी र नायिका रिमा विश्वकर्माको अभिनय रहेको फिल्म ‘मिस्टर नेपाली’ को पहिलो गीत नाचौं छम्मा छम्मा सार्वजनिक भएको छ ।
बुधबार राजधानीमा आयोजित एक कार्यक्रममा सार्वजनिक गरिएको ‘नाँचौ छम्मा छम्मा’ बोलको लोक शैलीको गीतमा अभिनेता भुवन दुलहाको भेषमा अभिनेत्री रीमा विश्वकर्मासँग विवाह मण्डपमा देखिनुभएको छ
यो गीतमा मिलन लामा र रीता केसीको स्वर, सुभाष भुषालको संगीत र देव भूषालको शब्द छ । भुवन र रीमासँगै गीतको भिडियोमा नव–कलाकारद्धय साहिल श्रेष्ठ र कुसुम राउत, कलाकाहरु रवि डंगोल, बिष्णु सापकोटा, कमलमणि नेपाल लगायतको पनि अभिनय छ ।
अभिनेता भुवन फिल्ममा छोरा र पिता गरि दुई भूमिकामा रहनुभएको छ ।
कात्तिक २९ गतेलाई प्रदर्शन मिति घोषणा गरिएको फिल्मलाई देव भूषालले निर्देशन गर्नुभएको हो । फिल्मको गीतमा कविराज गहतराजको कोरियोग्राफी छ । कथावस्तु निकै राम्रो लागेका कारण फिल्म छाड्न नसकेको नायक भुवनले बताउनुभएको छ ।
भूसालकै लेखन तथा पटकथा रहेको फिल्ममा निरज कँडेलको छायांकन गर्नुभएको छ ।
एक समय नेपाली फिल्ममा बलियो साम्राज्य बनाएका भुवन पछिल्लो समय फिल्म निर्माण र निर्देशनमा सक्रिय छन् ।
