काठमाडौं, २५ भाद्र । नेपालमा कोरोना संक्रमितहरुको संख्या साढे ५० हजारको निकट पुगेको छ ।
बिहीबार थप १ हजार २ सय ४६ जनामा कोभिड १९ पुष्टि भएको सँगै देशभरमा कोभिड १९ पुष्टि हुनेको संख्या ५० हजार ४ सय ६५ पुगेको हो।
संक्रमितमध्ये सक्रिय संक्रमित १४ हजार ४ सय ४८ जना छन्।
यसैगरी पछिल्लो २४ घण्टामा कोरोना निको भएर १ हजार ८ सय १८ जना डिस्चार्ज भएका छन्। यसरी हालसम्म ३५ हजार ७ सय जना कोरोना मुक्त भइसकेका छन् ।
हाल संस्थागत आइसोलेसनमा ८ हजार १० जना छन् भने होम आइसोलेसनमा ६ हजार ४ सय ३८ जना छन्।
मन्त्रालयका अनुसार नेपालमा कोरोनाभाइरस सङ्क्रमणबाट मुक्त हुने दर लगभग ७१ प्रतिशत छ।
क्वारेन्टाइनमा भने ५ हजार ८ सय ६ जना रहेको स्वास्थ्य तथा जनसंख्या मन्त्रालयले जनाएको छ।
सङ्क्रमितहरूमध्ये १ सय ६५ जना सघन उपचार कक्षमा र २१ जना भेन्टिलेटरमा उपचाररत छन्।
यस्तै एकदिनमा ११ हजार १ सय ४४ पीसीआर परीक्षण भएको छ । हालसम्म भने नेपालमा कुल ८ लाख १० हजार ४ सय ८५ परीक्षण भइसकेको छ ।
विगत २४ घण्टामा नेपालमा ५ जना मृतक थपिएका छन्।
अहिलेसम्म नेपालमा ३ सय १७ जनाको कोरोना संक्रमणका कारण मृत्यु भएको मन्त्रालयका प्रवक्ता डा. जागेश्वर गौतमले बताउनुभएको छ।
यो अवधिमा ११ हजार १ सय ४४ पीसीआर परीक्षण गरिएको मन्त्रालयले जनाएको छ।
सङ्क्रमित कहाँका कति ?
बिहीवार थपिएका सङ्क्रमितमध्ये सबैभन्दा बढी काठमाडौं जिल्लाका ४ सय ९५ जना रहेका छन्।
भक्तपुरमा ३४ र ललितपुरमा ४३ गरी उपत्यकाका जिल्लामा कुल ५ सय ७२ जना सङ्क्रमित थपिएका छन्।
त्यस्तै सप्तरीमा ३५, सर्लाहीमा ४२, काभ्रेमा ३६, मकवानपुरमा ३५, कपिलवस्तुमा ४४, नवलपसारीमा ३७, बाँकेमा ७० र रूपन्देहीमा ५१ जना सङ्क्रमित थपिएका छन्।
अहिले ५ सय भन्दा बढी सङ्क्रमित भएका सात जिल्लाहरूमा सुनसरी, सर्लाही, काठमाडौं चितवन र रूपन्देही रहेका छन्।
सक्रिय सङ्क्रमण नभएका जिल्लाहरूमा सोलुखुम्बु, मनाङ, मुस्ताङ, म्याग्दी, डोल्पा, मुगु र हुम्ला रहेका छन्।
मृतक कहाँका ?
बिहीवार मृत्यु पुष्टि भएका मध्ये काठमाडौं ५५ं वर्षीया महिला, ५९ वर्षीय पुरुष र ८३ वर्षीय पुरुष रहेका छन्।
त्यस्तै चितवनका ६२ वर्षीय र कपिलवस्तुमा २९ वर्षीय पुरुषको पनि गत २४ घण्टामा मृत्यु भएको छ।
