बेलफास्ट (उत्तरी आयरल्याण्ड), २७ माघ । गैरआवासीय नेपाली संघ (एनआरएनए) यूकेले उत्तरी आयर ल्याण्डमा पनि एनआरएनए राज्य समन्वय परिषद् गठन गर्ने भएको छ ।
परिषद् गठन गर्ने उद्देश्य सहित बेलायतको एनआरएनए टोली बेलफाष्ट पुगेको छ ।टोलीलाई उत्तरी आयरल्याण्डमा बसोबास गरिरहेका नेपालीहरुले भव्यस्वागत गरिएको छ ।
एनआरएन यूकेका महासचिव आर के त्रिपाठी नेतृत्वको टोलीमा एनआरएन यूकेका उपाध्यक्ष, ललित न्यौपाने महासचिव आरके त्रिपाठी, लगानी विभाग संयोजक गंगा राना, धार्मिक विभाग संयोजक होमनाथ पौडेल, सल्लाहकार नरेन्द्र कँडेल, खेम पौडेल प्रभू न्यौपाने लगायत छन् ।
नर्दन आयरल्याण्डका अगुवाहरु नारायण कँडेल, लीलाराम निउरे, अब्डन आचार्य, खगराज कँडेललगायतले बेलफास्ट विमानस्थलमा स्वागत गरे ।
कार्यक्रमका लागि एनआरएन यूकेका अध्यक्ष योगकुमार फगामी नेतृत्वको टोली आइतबार नर्दन आयरल्याण्ड आउने कार्यक्रम छ ।
टोलीमा आईसीसी उपाध्यक्ष कुल आचार्य, एनआरएन यूकेका पूर्व अध्यक्ष योगेन क्षेत्री, एनआरएन यूकेका उपाध्यक्षहरु शेर सुनार, प्रेम गाहामगर, शिव कँडेललगायत छन् ।
बेलफास्टमा आइतबार एक कार्यक्रमको आयोजना गरी राज्य समन्वय परिषद गठन गर्न लागिएको छ ।
कार्यक्रममा एनआरएन डेनमार्क र स्वीडेनका पदाधिकारी पनि सहभागी हुने एनआरएन यूकेका महासचिव आरके त्रिपाठीले जानकारी दिए ।
