कीर्तिपुर(काठमाडौं), १६ असोज । कीर्तिपुरमा भैरहेको एभरेष्ट प्रिमियर लिग ( ईपीएल टि २०) अन्तर्गत शनिवार दुई खेल हुँदैछन्।
शरद भेसावकर कप्तानीको भैरहवा ग्ल्याडीएटर्स र सन्दीप लामिछाने कप्तानीको काठमाडौँ किंग्स ११ बीचको पहिलो खेल ९ः ३० बजे बिहान सुरु हुने तालिका रहे पनि पानीले भिजेर मैदान चिसिएकोले बिलम्बित भएको छ भने यसको असर करन केसी कप्तानीको बिराटनगर वारियर्स र बिनोद भण्डारी कप्तानीको पोखरा राइनोज दिउसो १ : ३० बजे सुरु हुने दोश्रो खेलमा पनि पर्ने देखिएको छ।
पहिलो खेलमा ३ खेलमा ४ अंक सहित अंकतालिकाको दोश्रो स्थानमा रहेको भैरहवा आज जित दर्ता गर्दै अंकअलिकामा शिर्ष स्थानमा रहेर प्लेअफ प्रवेश सुनिस्चित गर्न अग्रसर देखिएको छ भने ललितपुरसंग ‘टाई’ नतिजा ल्याएको भैरहवा जस्तो सुकै परिस्थितिमा जितेर बढ्ने धुनमा छ।
अर्कोतर्फ २ खेलमा १ जित र १ हार पछि २ अंक रहेको काठमाडौँ पनि दोश्रो जित दर्ता गर्दै उत्कृष्ट ४ मा प्रवेश चाहन्छ।
डिफेन्डिङ च्याम्पियन ललितपुर बिरुद्ध शानदार जित दर्ता गर्दै प्रतियोगिता सुरु गरेको काठमाडौँ चितवनसंगको ३ विकेटको हार पछि पुन लयमा फर्कन चाहिरहेको छ ।
विराटनगर गर वा मरको स्थितिमा
लिग अंकतालिकामा तिन वटै खेलमा हार पछि अंकविहिन एक मात्र टोलीको रुपमा रहेको बिराटनगर वारियर्सले प्ले अफ सम्भावना जीवित राख्न आज जित्नै पर्ने आवस्यकता छ।
३ खेलमा ३ अंक बटुलेको पोखराको भने जितले प्लेअफ यात्रा सहज बन्न सक्छ।
