काठमाडौं, ८ जेठ । देशभरका ७ सय ५३ पालिकामा भएको स्थानीय तह निर्वाचनमा ७ सय १ स्थानीय तहको नतिजा घोषणा भएको
छ ।
निर्वाचन आयोगका अनुसार स्थानीय तहको प्रमुखतर्फ १ सय २७ तथा अध्यक्षतर्फ ४ सय ४९ स्थानको नतिजा घोषणा भएको छ ।

घोषित परिणाम अनुसर नेपाली काँग्रेसले १ सय २४ प्रमुख र १ सय ८४ अध्यक्ष गरी ३ सय ८ स्थान जितिसकेको छ। काँग्रेसले अझैपनि १० प्रमुख र ४ अध्यक्ष पदमा अग्रता कायमै राखेको छ । यस्तै नेकपा एमालेले स्थानीय तहका ६७ प्रमुख तथा १ सय २१ अध्यक्ष गरी १ सय ८८ पालिकाको नेतृत्व जितेको छ । एमालेले अझै १५ प्रमुख र २ अध्यक्षको मतगणनामा अग्रता कायमै राखेको छ ।

यसैगरी तेस्रो स्थानमा रहेको नेकपा माओवादी केन्द्रले २४ प्रमुख र ९६ अध्यक्ष गरी १ सय २० पालिकाको नेतृत्व जितेको छ । उसले अझैपनि दुई पालिकाको प्रमुखमा अग्रता कायमै राखेको छ ।

यस्तै एकीकृत समाजवादीले ९ प्रमुख जित्दा अन्य पार्टी र स्वतन्त्र उम्मेदवारले २५ पालिका जितेका छन् ।
जनता समाजवदी पार्टीले २० स्थानीय तह जित्दा लोकतान्त्रिक समाजवादी पार्टी, राष्ट्रिय प्रजातन्त्र पार्टी जनमत पार्टी, राष्ट्रिय जनमोर्चा, नेपाल मजदूर किसान पार्टी लगायतका राजनीतिक दल र स्वतन्त्र उम्मेदवारले २५ पालिकामा जित हासिल गरेका छन् ।

हाल साना पार्टी तथा स्वतन्त्र उम्मेदवारहरूले विभिन्न पालिकामा १४ स्थानमा अग्रता बनाएका छन् ।

अब ५ महानगरपालिकासहित ५३ पालिकाको अन्तिम परिणाम आउन बाँकी छ।

नतिजा आउन बाँकीमा प्रदेश १ मा झापाका ५, मोरङका २, सुनसरीका ३ र उदयपुरका २ पालिका बाँकी छ।

यस्तै मधेश प्रदेशमा रौतहटका ७, बाराका ४, सप्तरीका ३, सिराहा र धनुषा २ २, महोत्तरी, सर्लाही र पर्साका १-१ पालिकामा अन्तिम नतिजा आउन बाँकी छ।

यस्तै बागमती प्रदेशका काठमाडौ, ललितपुर काभ्रे र चितवनमा १-१ पालिकाको अन्तिम नतिजा आउन बाँकी छ। गण्डकी प्रदेशमा तनहुँ र पोखराका एक-एक पालिकामा नतिजा आउन बाँकी छ।

यस्तै लुम्बिनी प्रदेशमा ८ पालिकाको नतिजा आउन बाँकी हुँदा सुदूरपश्चिम प्रदेशमा ५ वटा पालिकाको अन्तिम नतिजा आउन बाँकी छ।

कर्णाली प्रदेशका सबै पालिकाको अन्तिम नतिजा आइसकेको छ।

नतिजा आउन बाँकी पालिकाहरु :