डब्लिन(आयरल्याण्ड),२८ चैत्र । नेपाली जनसम्पर्क समिति आयरल्याण्डले नेपाली कांग्रेसका नेता स्वर्गीय खुमबहादुर खडकाप्रति श्रद्धान्जली सभा आयोजना गरेको छ ।
आयरल्याण्डको कोर्कमा नेपाली जनसम्पर्क समिति आयरल्याण्डका अधक्ष्य शुक्रराज न्यौपानेको सभापतित्वमा श्रद्धान्जली सभा सम्पन्न गरिएको हो ।
सभामा आयरल्याण्डमा अवस्थित विभिन्न नेपाली संघ संस्थाका पदाधिकारी , प्रतिनिधि तथा नेपाली कांग्रेसप्रति आस्थावान शुभेच्छुकहरुको उपस्थिति रहेको थियो ।
कार्यक्रममा सभापतिको रूपमा मन्तब्य व्यक्त गर्दै जनसम्पर्क समिति आयरल्याण्डका अधक्ष्य शुक्रराज न्यौपानेले स्वर्गीय खड्कालाई पार्टीका प्रभावशाली र कार्यकर्तामुखी नेताको रुप्मा स्मरण गर्नुपर्ने बताए ।
उनले खड्काको निधनले नेपाली कांग्रेसमा एक जुझारु, स्पष्टवक्ता र कार्यकर्तामुखी नेताको भाव खड्किरहने बताए ।
अतिथिको आसनबाट एनआरएनए आयरल्याण्डका अध्यक्ष नवराज कोइरालाले पार्टी देश र जनताप्रति सदैव माया गर्ने नेता खड्का विभिन्न शक्तिकेन्द्रबाट षड्यन्त्रपूर्वक भ्रष्टाचारको आरोपमा फसाइएको बताए ।
कार्यक्रममा नेपाली समाज कोर्कका अध्यक्ष टेकनारायण पौडेल, गैर आवासीय नेपाली संघ आयरल्याण्डका पूर्व उपाध्यक्ष तथा सल्लाहकार बसन्त न्यौपाने , उपाध्यक्ष लोक त्रिपाठी , सचिव विबेक सापकोटा , कोर्क छेत्रीय संयोजक कृष्ण भण्डारी , युवा संयोजक अनिस भण्डारी , कोर्क नेपाली समाजका उपाध्यक्ष विजय सहनी , अग्रजहरु धनबहादुर खत्री , दुर्गा सुवेदी, घन बहादुर मगर , युवा बिध्यार्थी कृष्ण जी सी, सरोज पोखरेल , हरि गौतम, राम गुरुङ, कृष्ण के सी, भीम खत्री लगायतले स्वर्गीय खड्काप्रति श्रद्धान्जली व्यक्त गरेका थिए ।
