काठमाडौं, ९ वैशाख । नेपाल शैक्षिक परामर्श संघ (इक्यान) को अध्यक्षमा विष्णुहरि पाण्डे निर्वाचित भएका छन् ।
शनिबार सम्पन्न निर्वाचनमा पाण्डेले १ सय ७७ मत पाए भने उनका प्रतिद्धन्द्धि सरोजकुमार बस्नेतले भने १ सय ६५ मत मात्र पाएका थिए ।
प्रथम उपाध्यक्षमा भने बस्नेत समूहका महेशबाबु तिमिल्सिना १ सय ७९ मतका साथ विजयी भएका छन् ।
द्धितीय उपाध्यक्षमा १सय ७६ मत सहित राजेन्द्र रिजाल र तृतीय उपाध्यक्षमा १ सय ६९ मत सहित देवीदास भट्टराई विजयी भएका छन् । रिजाल बस्नेत समूहका हुन् भने भट्टराई पाण्डेको प्यानलबाट चुनावी मैदानमा उत्रिएका थिए ।
उपाध्यक्षको प्रतिस्पर्धामा उत्रिएकी सपना राजभण्डारीले १ सय ५८ मत पाइन् भने खड्ग ताम्लिङले १ सय ४३ मत पाए । उपाध्यक्षकै उम्मेदवार उमेश ढुंगेलले १ सय १ र कृष्णहरि केसीले ३९ मत पाएका थिए ।
महासचिवमा सन्तोष प्याकुरेललाई ६६ मतान्तरले पराजित गर्दै शेषराज भट्टराई विजयी भए । उनले २०३ मत पाएका थिए ।
सचिवमा १सय ८७ मत सहित दीपकराज भुसाल र १ सय ४१ मत सहित विक्रम केसी विजयी भएका छन् ।
आइक्यानको कोषाध्यक्षमा गोविन्द अधिकारी र सह–कोषाध्यक्षमा निरुपमा महर्जन निर्वाचित भएका छन् ।
