काठमाडौं, १६ भाद्र । क्यानडामा आगामी महिना हुने विश्वकप लिगको अन्तिम तयारीका लागि नेपाली पुरुष राष्ट्रिय टोली श्रीलंका प्रस्थान गरेको छ ।
नेपाल क्रिकेट संघ(क्यान)ले सामाजिक सञ्जालमा श्रीलंका जान एअरपोर्ट पुगेको नेपाली राष्ट्रिय क्रिकेट टिमको तस्विर सार्वजनिक गरेको छ ।
नेपाल क्रिकेट संघले नेपाली राष्ट्रिय क्रिकेट टोलीले श्रीलंका भ्रमणका क्रममा ३ अभ्यास खेल खेल्ने बताएको छ ।
श्रीलंका डेभलभमेन्ट टिमसॅंग नेपालले ३ वटा ५० ओभरको अभ्यास खेल्ने छ । नेपालले भदौ १८, २० र २२ गते अभ्यास खेल खेल्नेछ ।
श्रीलंका भ्रमणमा जाने नेपाली क्रिकेट टोलीमा रोहित पौडेल, आसिफ सेख, अनिलकुमार साह, देव खनाल, भीम सार्की, आरिफ सेख, कुशल मल्ल, अर्जुन साउद, सोमपाल कामी, करण के सी, गुलशन झा, रिजन ढकाल, ललितनारायण राजवंशी, आकाश चन्द, सागर ढकाल, सन्दीप जोरा, कुशल भुर्तेल, दीपेन्द्र सिंह ऐरी, सन्दीप लामिछाने रहेका छन् ।
