काठमाडौं, १ साउन । नेपाली राष्ट्रिय महिला फुटबल टोलीकी कप्तान तथा महिला फुटबल स्टार सावित्रा भण्डारी ‘साम्बा’ न्युजिल्याण्डको वेलिंगटन फिनिक्स फुटबल क्लबमा आवद्ध भएकी छिन् ।
साम्बाले सन् २०२५ २६ सिजनका लागि अष्ट्रेलियाको ए लिग खेल्ने क्लब वेलिंगटनसँग अनुबन्ध गरेकी हुन् । वेलिंगटन न्युजिल्याण्डको क्लब भएपनि यसले अष्ट्रेलियाको शीर्ष डिभिजन लिग खेल्दै आएको छ ।
फ्रान्सको एन अभान्ट ग्वेंगाम्पबाट २ सिजन खेलेपछि साम्बाले अष्ट्रेलियाको लिगमा खेल्ने निर्णय लिएकी हुन् । उनले त्यसअघि इजरायलको हापोएल राना’नाबाट पनि खेलेकी थिइन् । उनले दक्षिण एसियामा भारत र माल्दिभ्समा पनि खेलिसकेकी छिन् ।
साम्बाले गत महिना सम्पन्न एएफसी एसियन कप छनोटमा राष्ट्रिय टोलीको कप्तानी पनि गरेकी थिइन् । तर नेपाल अन्तिम खेलमा उज्वेकिस्तानसँग पेनाल्टीमा हार्दा एसियन कपमा भने छनोट हुन सकेन ।
साम्बाले यसको जानकारी उनका प्रशंसकहरुलाई दिइसकेकी थिइन । उनले सामाजिक सञ्जालमा लेख्दै भनेकी थिइन,”
