काठमाडौं, १२ साउन । नेपाल स्टक एक्सचेन्जले अन्तिम १५ मिनेटको गणना नेप्से गणना सच्याउँदा नेप्से परिसूचक ७ दशमलब १० अंकले बढेको छ ।
सच्याइएको सूचना अनुसार आज धितोपत्र बजार परिसूचक ७.१० अंकले बढेर २९७१.३१ विन्दुमा पुगेको छ ।
आजको कारोबार रकममा भने उत्साह देखिएको छ । आज विभिन्न ३ सय २१ स्टकका ४ करोड ४१ लाख २४ हजार ९ सय २४ कित्ता शेयर १ लाख ७० हजार ७ सय २६ पटक खरिदबिक्री हुँदा रु १९ अर्ब ३६ करोड ८ लाख ७३ हजार ३४ .२९ बराबरको कारोबार भएको छ ।
आज समता घरेलु लघुवित्त वित्तीय संस्था लिमिटेडको शेयर मूल्य ९.९९, सान्भी इनर्जी लिमिटेडको ९.९२, ट्रेड टावर लिमिटेडको ९.५३ प्रतिशतले बढेको छ । साथै बिन्दबासिनी हाइड्रोपावर डेभलपमेन्ट कम्पनी लिमिटेडको शेयर मूल्य ८.४९, लक्ष्मी उन्नती कोषको ७.५२ र ग्रीन भेञ्चर लिमिटेडको ५.०८ प्रतिशतले घटेको छ ।
