काठमाडौं, १९ फागुन । आइजीआई प्रुडेन्सियल इन्स्योेरेन्स लिमिटेडको नयाँ कर्पोरेट कार्यालय आईजीआई कम्प्लेक्सको भव्य समारोहका समुद्घाटन भएको छ ।

कम्पनीको संस्थागत सुदृढिकरण, सेवा विस्तार र प्रविधिमैत्री पूर्वाधार विकासको लक्ष्यलाई मूर्तरुप दिने उद्देश्य सहित निर्माण गरिएको यस अत्याधुनिक भवनको फाल्गुण १४ गते तदनुसार २६ फेव्रुअरी २०२६ का दिन संयुक्त रुपमा रिबन काटेर उद्घाटन गरिएको हो ।

उक्त अवसरमा कम्पनीका अध्यक्ष हेमराज ढकाल, नेपाल बीमा प्राधिकरणका कार्यकारी निर्देशक सुशीलदेव सुवेदी, नेपाल उद्योग वाणिज्य महासंघका अध्यक्ष तथा यस कम्पनीका संस्थापक शेयरधनी चन्द्रप्रसाद ढकाल तथा नेपाल बीमा प्राधिकरणका निवर्तमान अध्यक्ष, कम्पनीका संचालक समितिका पदाधिकारीद्धारा संयुक्त रुपमा रिबन काटेर भवनको उद्घाटन गरिएको थियो ।

काठमाण्डौँ महानगरपालिका, वडा नम्बर ३, पानीपोखरीस्थित २ रोपनी ६ आना २ पैसा ३ दाम जग्गामा करिब ६० हजार वर्गफिटमा २ तल्ला पार्किङ्ग सहित १२ तल्लाको भव्य भवन उद्घाटन समारोहलाई सम्बोधन गर्दै कम्पनीका अध्यक्ष हेमराज ढकालले भवनले कम्पनीको आगामी रणनीतिक लक्ष्य, दिगो विकासको प्रतिवद्धता, ग्राहक केन्द्रीत सेवामा थप ऊर्जा प्रदान गर्ने, विश्वसनीयता, पारदर्शिता र नवप्रवद्र्धनमा आइजीआई पु्रडेन्सियल  अग्रसर रहने बताउनुभयो । समारोहमा अध्यक्ष ढकालले नवनिर्मित भवन आधुनिक डिजाइन, सुविधा सम्पन्न कार्यक्षेत्र, डिजिटल सेवा प्रणाली तथा सेवाग्राही मैत्री वातावरण सहित तयार गरिएको र यसमार्फत कम्पनीले छिटो, प्रभावकारी र विश्वसनीय बीमा सेवा प्रदान गर्ने लक्ष्य लिएको जानकारी दिनुभयो ।

सोही अवसरमा नेपाल बीमा प्राधिकरणका निवर्तमान अध्यक्ष प्रो.डा. फत्तबहादुर के.सी.ले शुभकामना मन्तव्य व्यक्त गर्दै कम्पनीको उच्च गतिको प्रगतिले आफू हर्षित भएको बताउँदै कम्पनीको उत्तरोत्तर प्रगतिको शुभकामना दिनुभयो ।

सोही अवसरमा नेपाल बीमक संघका अध्यक्षद्धारा कम्पनीको यो स्तरको भवनले सम्पूर्ण बीमा क्षेत्रलाई नै गौरवान्वित बनाएको र बीमा क्षेत्रमा कम्पनीले आगामी दिनमा अझै उच्चस्तरको प्रगति गर्नसकोस् भन्ने शुभकामना दिनुभयो ।

समुद्घाटन समारोहमा नेपाल उद्योग वाणिज्य महासंघका अध्यक्ष एवम् आइएमई गु्रप अफ कम्पनीका अध्यक्ष तथा आईजीआई प्रुडेन्सियल इन्स्योरेन्स कम्पनीका संस्थापक शेयरधनी चन्द्रप्रसाद ढकालले विगत ११ बर्षमा कम्पनीमा आएको परिवर्तन तथा आईजीआई कम्प्लेक्सको उद्ध्घाटनमा सरिक हुन पाउँदा गौरव महसुस भएको बताउनुभयो । उहाँले इमान्दारीताका साथ काम गर्दा उन्नति अवश्य हुन्छ भनि कम्पनीलाई उदाहरणको रुपमा लिन सकिने बिचार व्यक्त गर्नुभयो । साथै बीमा बजारको विस्तारको लागि नियामन निकायको ठूलो भूमिका रहनेछ भन्दै नेपाल बीमा प्राधिकरणले बीमा क्षेत्रको उन्नति र प्रगतिको लागि राम्रो अविभावकको रुपमा आफूलाई प्रस्तुत गर्ने विश्वास व्यक्त गर्नुभयो ।

उद्घाटन समारोहमा नेपाल बीमा प्राधिकरणका कार्यकारी निर्देशक सुशीलदेव सुवेदीले बीमा क्षेत्रको नियामक निकायको तर्फबाट शुभकामना व्यक्त गर्दे आइजीआई पु्रडेन्सियल इन्स्योेरेन्सले बीमा क्षेत्रको विस्तार तथा जनविश्वास अभिवृद्धिमा उल्लेखनीय योगदान पु¥याइरहेको र आउने दिनमा अझै थप ग्राहकहरुलाई सेवा विस्तार गरी यस क्षेत्रमा आफूलाई एक अब्बल कम्पनीको रुपमा स्थापित गर्ने विश्वास व्यक्त गर्नुभयो । उहाँले नयाँ संरचना तथा पूर्वाधारले सेवाको गुणस्तर र पहँुचमा सकारात्मक प्रभाव पार्ने धारणा राख्नुभयो । साथै बीमालाई देशभित्र मात्र सिमित नराखी अन्तराष्ट्रियकरण गर्न समेत प्राधिकणले पोलिसी बनाउने र त्यसका लागि तयार रहन अनुरोध गर्नुभयो ।

समारोहमा बीमा क्षेत्रका विशिष्ट व्यक्तित्वहरु, नेपाल बीमा प्राधिकरणका निवर्तमान अध्यक्षहरु, कम्पनीका संचालक समितिका पदाधिकारीहरु, संस्थापक शेयरधनीहरु, निवर्तमान संचालकहरु, नेपाल बीमक संघका अध्यक्ष तथा पदाधिकारीहरु, नेपाल जीवन बीमक संघका अध्यक्ष तथा पदाधिकारीहरु, नेपाल लघु बीमक संघका पदाधिकारीहरु, बैँक तथा वित्तीय संस्थाका प्रमुख कार्यकारी अधिकृत तथा प्रतिनिधिहरु, उद्योगी, व्यापारी, व्यावसायी, स्थानीय सरकारका प्रतिनिधीहरु, विभिन्न नियामकीय निकायका प्रतिनिधीहरु, कम्पनीका कर्मचारीहरु, पत्रकारहरु तथा सरोकारवालाहरुको उल्लेख्य उपस्थिति रहेको थियो ।

समारोहमा आफ्नो स्वागत मन्तव्य राख्दै कम्पनीका प्रमुख कार्यकारी अधिकृत युगेशभक्त बादे श्रेष्टले हामीले केवल एउटा भवन उद्घाटन गरिरहेका छैनौँ, हामी हाम्रो प्रतिबद्धता, विश्वास र सेवा प्रतिको अटल समर्पणलाई नयाँ उचाइमा पु¥Þयाउने संकल्पलाई उद्घोष गरिरहेका छौँ र यो भवन हाम्रो निरन्तर प्रगति, संस्थागत सुदृढीकरण र दीर्घकालीन दृष्टिकोणको प्रतीक रहेको बताउनु भयो ।

श्रेष्ठले यस महत्वपूर्ण यात्रामा मार्गदर्शन गर्नुहुने सम्मानित अध्यक्षहरू, नियमन निकायहरु, संचालक समिति, व्यवस्थापन टिम तथा सम्पूर्ण कर्मचारी वर्गको अथक मेहनत बिना यो सम्भव हुने थिएन भन्दै सबै प्रति समर्पण र सहकार्यको लागि हार्दिक कृतज्ञता व्यक्त गनुभयो ।उहाँले भवन निर्माणको शुरुवातदेखि हालसम्म आइपुग्दा आआफ्नो क्षेत्रबाट प्रत्यक्ष तथा परोक्षरुपमा सहयोग पु¥याउनु हुने सम्पूर्ण महानुभावहरु प्रति धन्यवाद दिनुभएको थियो ।

आइजीआई पु्रडेन्सियल इन्स्योेरेन्स लिमिटेडले स्थापनाकालदेखि नै ग्राहक महानुभावहरुको भरोसा, नवीन सेवा र सुदृढ व्यवस्थापनमार्फत नेपाली बीमा बजारमा आफ्नो विशिष्ट पहिचान बनाउँदै आएको छ । नयां भवनको शुभारम्भ सँगै कम्पनीले आगामी दिनमा जिम्मेवारीपूर्वक पारदर्शिता तथा प्रविधिमा आधारित सेवा विस्तार गर्ने प्रतिवद्धता व्यक्त गरेको छ ।