बीरगञ्ज(पर्सां), १८ चैत्र । आइतबार राती आएको आँधीबेहरीले प्रदेश नं २ का बारा र पर्सामा निकै क्षति पुर्याएको छ । नेपाल प्रहरीले बारा र पर्सामा गरि ३१ जनाको मृत्यु भएको जनाएको छ ।
आँधीबेहरीका कारण सोमबार बिहानसम्ममा ५०० बढी घाइते भएको प्रहरीले जनाएको छ।
मृतक र घाइतेको संख्या अझै बढ्न सक्ने प्रहरीले जनाएको छ।
प्रहरीले बारामा २६ र पर्सामा एक जनाको मृत्यु भएको पुष्टि गरेको छ। मृतक र घाइतेको संख्या बढिरहेको २ नम्बर प्रदेश प्रहरी कार्यालयले जनाएको छ।
घाइतेहरुको बाराको सदरमुकाम कलैया अस्पताल, वीरगञ्जस्थित नारायणी अस्पताल, गण्डक अस्पताल,हेल्थ केयर, वीरगञ्ज नेसनल मेडिकल कलेज र न्युरो अस्पताल उपचार भइरहेको छ।
संघीय प्रहरी इकाई कार्यालय धनुषाले दिएको जानकारी अनुसार बाराको सुवर्ण गाउँपालिकाका ४, थ्रेटाका १७ र पर्सौनीका ६ जनाको मृत्यु भएको छ। वीरगञ्ज–१२ गण्डकमा बिजुलीको पोल ढल्दा एक जनाको मृत्यु भएको छ।
उद्धार र घाइतेको उपचारका लागि नेपाली सेना, प्रहरी र सशस्त्र प्रहरीको ठूलो संख्या खटिएको छ।
शीघ्र उद्दारको लागि प्रधानमन्त्रीको आह्वान
बारा/पर्सा जिल्लाको केही स्थानमा अहिले सॉझ आएको डरलाग्दो ऑधि/हुरीबाट धनजनको अकल्पनीय क्षति भएको जानकारीमा आएकोछ। यस आकस्मिक क्षतिप्रति गहिरो दु:ख व्यक्त गर्दछु। उद्दारमा सुरक्षाकर्मीहरू परिचालित भईसकेका छन्।उद्दारमा गंभीर हुन र घाईतेको उपचारमा कुनै कमी आउन नदिन निर्देशित गरिएकोछ।
— K P Sharma Oli (@kpsharmaoli) March 31, 2019
यसै बीच प्रधानमन्त्री के.पी. शर्मा ओलीले आइतबार राती सामाजिक सञ्जालमा आफ्नो भनाई राख्दै आँधीबेहरीबाट भएको क्षतिको लागि दुःख प्रकट गर्दै पीडितहरुको उद्दारको लागि जुट्न र घाइतेहरुको उद्दार उपचारमा कमी हुन नदिन सरकारका निकाय र पार्टी पडि.तलाई निर्देशन दिनुभएको छ ।
भोली बिहानबाट आवस्यक उद्दार र राहतका लागि हेलिकप्टर तयारी अवस्थामा राखिएको छ । मौसमले साथ दिएमा तत्काल उद्दार गर्न काठमाडौंको एयर बेसमा
"नाईट भिजन" हेलिकप्टर तयारी अवस्थामा राखिएको छ।
सुरक्षाकर्मी संगै उद्दारमा संलग्न रहन म, सिंगो पार्टी पंक्तिलाई आह्वान गर्दछु।— K P Sharma Oli (@kpsharmaoli) March 31, 2019
