धनगढी(कैलाली), २७ पौष । रुस्लान थ्रिस्टार क्लबलाई २- १ ले पराजित गर्दै नेपाल आर्मी धनगढीमा सम्पन्न दोस्रो सुदूरपश्चिम खप्तड गोल्डकप फुटबल प्रतियोगिताको सेमिफाइनलमा पुगेको छ ।
नेपाल आर्मीका तर्फबाट खेल शुरु भएको छैठौ मिनेटमा नवयुग श्रेष्ठले नेपाल आर्मीका लागि पहिलो गोल गरे ।
पहिलो आधासमयमा रुस्लान थ्री स्टारले थप गोल गर्न दिएन । नेपाल आर्मीलाई दबाबमा नै राखेको थियो ।
मध्यान्तर पछि तुरुन्तै ४९ मिनेटमा रक्षा पडि.तका सुमन अर्यालले थप गोल गरी नेपाल आर्मीलाई सहज अवस्थामा पुर्याए ।
ललितपुरको थ्रिस्टार क्लबले ५३ औं मिनेटमा एक गोल गरेको थियो । तर टीमलाई विजयी बनाउन यो पर्याप्त भएन ।
