काठमाडौं, २१ मंसिर । १३ औं दक्षिण एसियाली खेलकुद ९साग० अन्तर्गत शनिबार एथ्लेटिक्सको ९ वटा स्वर्णका लागि भिडन्त हुनेछ।
यस अन्तरगतको महिला र पुरुष म्याराथन दशरथ रंगशालाबाट सुरू बिहान ७ बजे नै सुरु भैसकेको छ।
पोखरामा आर्चरीको ४ वटा स्वर्णका लागि प्रतिस्पर्धा हुनेछ। बास्केटबल त्रिपुरेश्वरमा जारी रहनेछन् भने बक्सिङको क्वार्टरफाइनलका खेल हुनेछन्।
पुरुष क्रिकेटमा नेपाल र बंगलादेशबीच ११ बजे खेल कीर्तिपुर मैदानमा खेल हुनेछ।
महिला क्रिकेटको तेस्रो स्थानका लागि नेपालले माल्दिभ्ससँग पोखरा रंगशालामा भिड्नेछ।
साइक्लिङमा रोड रेसका २ वटा स्वर्णका लागि खेल हुनेछ। फेन्सिङमा ३ स्वर्णका लागि भिडन्त हुनेछ।
दशरथ रंगशालामा साढे १ बजे पुरुष फुटबलमा नेपाल र माल्दिभ्सबीच खेल हुनेछ।
पोखरामा ह्यान्डबलको सेमिफाइनल हुनेछ। जुडोको ड्र शनिबार हुनेछ ।
म्याराथन दौड सुरु
१३ औं दक्षिण एसियाली खेलकुद (साग)अन्तर्गत ४२ किलोमिटर म्याराथन दौड सुरु भएको छ । बिहान सात बजे दशरथ रंगशालाबाट दौड सुरु भएको हो ।
दौडमा पुरुषतर्फ ८ जना र महिलातर्फ ७ जना प्रतिस्पर्धी छन् । पुरुष र महिला दुवैमा नेपालबाट २-२ जना सहभागी छन् । पुरुषतर्फ किरणसिंह बोगटी र होमलाल श्रेष्ठ तथा महिलातर्फ पुष्पा भण्डारी र राजपुरा पछाई सहभागी छन् ।
४२ किलोमिटर दौडमा पुरुषतर्फ बैकुण्ठ मानन्धरले सन् १९८७ को सागमा २ घण्टा १५ मिनेट ०३ सेकेण्डमा पूरा गरेका थिए ।
