काठमाडौं, १९ पौष । राष्ट्रिय जनता पार्टी (राजपा) नेपालले राष्ट्रियसभाको लागि पार्टीका दुई जना उम्मेदवारको नाम टुंगो लगाएको छ ।
राजपा अध्यक्षमण्डलको बैठकले वरिष्ठ उपाध्यक्षद्धय मृगेन्द्रकुमार सिंह यादव र शेखरकुमार सिंहलाई उम्मेदवार बनाउने निर्णय गरेको हो ।
मृगेन्द्र अन्य समूह र शेखर अपाङ्ग तथा अल्पसंख्यकको कोटामा उम्मेदवार हुनुहुन्छ ।
राजपाले प्रदेश नम्बर २ मा दुई सिटका लागि सत्तारुढ दल नेपाल कम्युनिष्ट पार्टी(नेकपा)सँग तालमेल गरेको छ ।
सत्तारुढ नेकपाले यसअघि नै १६ सिटमा उम्मेदवार तय गरिसकेको छ।


















