काठमाडौं, २९ पौष । नेपाल कम्युनिस्ट पार्टीले सभामुखका बारेमा निर्णय गरेपछि निर्वाचन प्रक्रिया सुरु गर्ने बेला मात्र आफूले राजीनामा गर्ने उपसभामुख शिवमाया तुम्बाहाङ्फेले बताउँदै गर्दा उक्त प्रकरणका कारण पार्टीभित्र पूर्वमाओवादीहरूको अपमान भइरहेको अध्यक्ष प्रचण्ड निकट नेता हरिबोल गजुुरेलले बताउनुभएको छ ।

उहाँले माओवादीपक्षको माग सुनुवाइ नभए पार्टीमा टुटफुट आउनसक्ने चेतावनी पनि दिनुभएको छ ।

दशैँ अगावै संसद सचिवालयमा कार्यरत रोशनीलाई यौनदूराचार गरेको अभियोगमा सभामुख कृष्णबहादुर महरा पक्राउ परेयता नयाँ सभामुखको चयन हुन सकेको छैन।

भागबन्डामै चलिरहेको छ

महरा पूर्वमाओवादी नेता भएकाले उनको स्थानमा सोही समूहका नेता छानिनु पर्ने प्रचण्ड निकटका नेता हरिबोल गजुरेलले बताउनुभयो।

विवादका माझ हाल संसद्‌को बैठक आठ दिन पर सारिएको छ।

उपसभामुखले राजीनामा दिन नमान्दा दुई अध्यक्षबीच तनाव बढेको छ भन्ने चर्चा छ।

ूत्यस्तो होरुू भन्ने बीबीसीको यो प्रश्नमा प्रचण्ड निकट नेता गजुरेलले भनेस् ‘तनाव त स्वतस् हुने भयो। संसदका सबै कामहरू रोकिएका छन्। सत्तापक्षको कारणले संसद अवरुद्ध भयो भनेर प्रतिपक्षीले कुरा उठाइरहेका छन्।’

उहाँले अहिले सभामुखको विषयमा बहस हुनैनपर्ने बताउदै भन्नुभयो ूएकताको निश्चित समयसम्म सहमति र सहकार्य गरेर जाने हो। भागबण्डा नै हुने हो । ,ू

सभामुख पूर्वमाओवादीलाई

दुई पार्टी अध्यक्षबीच पनि यसअघि कहिले आलोपालो गर्ने त कहिले एकजनाले प्रधानमन्त्री चलाउने र अर्कोले कार्यकारी अध्यक्ष चलाउने भन्ने सहमति भएर भागबण्डामै चलिरहेको उहाँले बताउनुभयो।

सभामुख कसलाई बनाउने भन्ने विषयमा दुई अध्यक्षबीच कुराकानी भए पनि सहमति हुन नसकेको उहाँको दावी छ ।

दुई अध्यक्षबीचको भागबण्डाको सहमति जस्तै सभामुख पनि कुनै अडानबिनै पूर्वमाओवादीलाई नै दिनुपर्ने उहाँले जिकीर गर्नुभयो।

उहाँले सभामुखकै विषयमा पनि पूर्व माओवादीलाई अपमान गर्न खोजिएको बताउनुभयो।

‘सभामुख को हुने भनेर त अपमान गर्न खोजेको त हो नि,’उपसभामुखले नै राजीनामा दिन नखोजेको बेला यसले त परिस्थितिलाई थप जटिल बनाइदियो नि भन्ने प्रश्नमा प्रचण्ड निकट नेताले भन्नुभयो, ‘यो उपसभामुखले उठाउनुभएको विषयमात्रै होइन। विभिन्न चलखेलहरू भइरहेका छन्। आफ्ना स्वार्थहरू कसरी पूरा हुने भन्नेबाट नै यी सबै कुराहरू भइरहेका छन्।’

उपसभामुखले राजीनामा दिन्न भन्ने उनको निर्णय नभएको नेता गजुरेलले बताउनुभयो।

उहाँले भन्नुभयो, ‘उहाँले भन्नुपर्‍यो कि म उपसभामुख छँदैछु सभामुख चाहिँ प्रतिपक्षी वा अर्को कुनै दललाई दिउँ। होइन भने भोलि उहाँ नै हुने हो भने पनि राजीनामा नदिइ त हुँदैन।’
बीबीसीबाट