काठमाडौं, १३ फागुन । आगामी मार्च महिनामा बंगलादेशमा आयोजना हुने विश्व ११ र एशियाली ११ बिचको खेलमा नेपाली खेलाडी सन्दिप लामिछाने पनि चयन भएका छन् ।
उनलाई एशिया ११ को टिममा चयन गरिएको हो । एशियाली देशका खेलाडी समावेश गरिएको एशिया ११ टिममा भारतबाट केएल राहुल, शिखर धवन, रिशभ पन्त, मोहम्मद सामी, कुलदिप यादव र विराट कोहली रहेका छन ।
यस्तै बाँकी खेलाडीमा तमिम इक्वाल, लिटोन दाश, मुस्फिकुर रहिम, थिसारा पेरेरा, रासिद खान, मुस्ताफिजुर रहमान, लसिथ मालिंगा, मुजिब उर रहिमान र सन्दीप लामिछाने छन ।
यो टिमको कप्तान विराट कोहली वा के एल राहुल मध्ये एकबाट हुने जनाइएको छ ।
बंगलादेश क्रिकेट बोर्डको आयोजनामा हुने यो सिरीज मार्चमा हुनेछ ।
