रोम(इटाली), ३ चैत्र (बीबीसी) । कोरोना भाइरसले चीन पछि युरोपेली देशहरूमा सबैभन्दा ठूलो विनाश निम्त्याइरहेको छ। इटालीमा आइतवार एकै दिनमा कोरोना भाइरसबाट ३ सय ६८ जनाको मृत्यु भयो। यस बाहेक, स्पेनमा पनि एक दिनमा कोरोना भाइरसको कारण १०० व्यक्तिको मृत्यु भयो। स्पेनमा राष्ट्रिय आपतकाल घोषणा गरिएको छ। फ्रान्समा पनि एकै दिनमा २९ व्यक्तिको मृत्यु भयो जुन अहिले सम्मको सबैभन्दा उच्च हो। युरोपमा अहिलेसम्म २००० जना मानिस यस भाइरसको कारण मरेका छन्। विश्वव्यापी १ लाख ५० हजार भन्दा बढी व्यक्तिहरू कोरोना भाइरसबाट प्रभावित छन् ।
यो एक दिनमा हालसम्मको सबैभन्दा मृत्यु हो। यस कारणले गर्दा यस भाइरसको संक्रमणले गर्दा मरेका मानिसहरूको संख्या बढेर १ हजार ८ सय ९ पुगेको छ। इटालियन नागरिक सुरक्षा सेवाले मीडियालाई जारी गरेको तथ्यांक अनुसार संक्रमित व्यक्तिको संख्या २४ हजार ७ सय ४७ पुगेको छ। मिलानको नजिकको उत्तरी लोम्बार्डी क्षेत्र यस महामारीको यूरोपीय केन्द्रबिन्दु बनेको छ र आधिकारिक रूपमा १ हजार २ सय १८ जनाको मृत्यु भएको छ।
स्पेनमा एकै दिनमा २००० नयाँ घटनाहरूको पुष्टि भयो। युरोपभरि एकै दिनमा २ हजारभन्दाबढी मानिस मरेका छन्। युरोपमा इटालीपछि स्पेन सबैभन्दबढी कोरोनाद्वारा प्रभावित छ। विश्वका १ सय ३४ देशहरू यस रोगको सिकार भइरहेका छन्।
काजाकिस्तानमा पनि आपतकाल लागू गरिएको छ। विश्व स्वास्थ्य संगपठनले यसलाई पहिले नै महामारीको रूपमा घोषणा गरिसकेको छ।
भारतले पनि कोरोनालाई राष्ट्रिय विपत्ती घोषणा गरेको छ। भारतमा हालसम्म ९७ जनामा कोरोनाको संक्रमण देखिएको छ । त्यसमध्ये ११ जना संक्रमित निको भएका छन्। बाँकीको उपचार भइरहेको छ।
