अल्डरसुट(संयुक्त अधिराज्य), ५ माघ । संयुक्त अधिराज्य बेलायतमा बसोबास गरिरहेका धनकुटावासीहरुको संस्था धनकुटा सेवा समाज(यूके)ले पूर्णकुमार लिम्बुको अध्यक्षतामा नयाँ नेतृत्व चयन गरेको छ ।
समाजको उपाध्यक्षमा तेज पुलामी र यान बहादुर गुरुङ , महासचिवमा मान प्रसाद लिम्बु , सचिवमा जितेन्द्र चेम्जोङ , कोषाध्यक्षमा शुक्र लिम्बु , सहकोषाध्यक्षमा मदन राई , पब्लिक रिलेशनमा शशी थापा , मनोरन्जन विभागमा चन्द्र राई , सदस्यमा धिरेन्द्र चेम्जोङ र नयन लिम्बु चयन भएका छन् भने सल्लाहकारमा महेन्द्र लिम्बु , वेनिन्द्र लिम्बु , धन रोगु , अमर राना , हर्कबहादुर गुरुङ , विश्वासदीप तिगेला र रन बहादुर मगर चयन भएका छन् ।
अल्डरसुटको भेटघाट रेष्टुरेन्टमा हालै आयोजित अधिवेशनमा महेन्द्र लिम्बु, रन बहादुर राना र विश्वास दीप तिगेला रहेको निर्वाचन समितिले नयाँ नेतृत्व घोषणा गरी शपथ गराएको थियो ।
धनकुटा सेवा समाजले सन् २००७ देखि धनकुटा प्रतिभा पुरस्कार प्रदान गर्दै आएको छ । समाजको उक्त कोषमा ५ लाख ७५ हजार रुपैया जम्मा भएको छ ।
नयाँ नेतृत्वको कार्यावधि दुई बर्षको हुनेछ ।
