मुम्बई(भारत), २४ भाद्र । अवैध निर्माण गरेको भन्दै बृहन्मुम्बई महानगरपालिका (बीएमसी(ले बलिउड अभिनेत्री कंगना रनावतको कार्यालय भत्काएको छ ।
बीएमसीले मंगलबार कंगनाको कार्यालयमा २४ घण्टाभित्र सामान हटाउन भन्दै नोटिस पठाएको थियो ।
कंगनाका तर्फबाट उनका वकिलले लिखित जवाफ दिए पनि चित्तबुझ्दो नभएको बताउँदै बीएमसीले उनको कार्यालय भत्काएको हो ।
उनले आफ्नो कार्यालयको तस्बिर ट्विट गर्दै मुम्बइलाई पाकिस्तानको संज्ञा दिएकी छन् । अर्को फोटोमा उनले ‘डेथ अफ डेमोक्रेसी’ लेखेकी छन् ।
https://twitter.com/A_lonethinker/status/1303642853952819200
कंगनाले आफूले अवैध निर्माण नगरेको लगातार ट्विटरमार्फत बताउँदै आएकी छिन् । उनले लेखेकी छिन, ‘मेरो घरमा कुनै अवैध निर्माण गरिएको छैन । सरकारले पनि सेप्टेम्बर ३० सम्मलाई नभत्काउनु भनेको छ । वास्तवमा यो हो फासिजम ।’
अर्को ट्विटमा कंगनाले महाराष्ट्रको गुन्डाले आफ्नो सम्पतिलाई अवैध सावित गर्न लागि परेको लेखेकी थिइन् ।’म आउनुअघि नै महाराष्ट्र सरकार र उनीहरुको गुन्डाले मेरो अफिस बाहिर आएर त्यसलाई तोड्ने काम गरेका छन्,’, उनले ट्विटमा लेखेकी थिइन् ।
बिएमसीले कंगनाको अफिसमा बुलडोजर लगाइसकेको छ । उनको यो अफिस बान्द्राको पाली हिलमा छ । केही महिनाअघि उनले यो अफिस निर्माण गरेकी थिइन् ।
अभिनेत्री कंगना चण्डिगढबाट मुम्बई आउदा एअरपोर्टमा शिवसेनाका कार्यकर्ताहरुले कालो झण्डाले उनको विरोध गरेका थिए ।
Political ppl r doing protest where is social distancing?
Will @PMOIndia @CMOMaharashtra like to give any lecture on this now?
Trains,restaurant,gym everything is closed for a common man but protest can be done no one will take action coz it will get u votes#DeathOfDemocracy pic.twitter.com/0YYs2fZup1— Aarti | Sidheart❤️ (@Sidheart1204) September 9, 2020
शिवसेना पार्टीका नेताहरुसँग कंगनाको केही समयदेखि भनाभन चलिरहेको थियो ।
महाराष्ट्रमा शिव सेना नेतृत्वको सरकार छ । बीमएसी महाराष्ट्र सरकारको मातहतमा आउँछ । कंगनाका समर्थकले बीएमसीले राजनीतिक दबाबमा आएर उनको कार्यालय भत्काएको बताएका छन् ।
तर बीएमसीका अधिकारीले भने अवैध रुपमा भौतिक संरचनाको निर्माण गरिएकाले भत्काएको बताएका छन् ।
The two most powerful warriors are patience and time… India with you #KanganaRanaut#DeathOfDemocracy pic.twitter.com/buEvnTlbZm
— кяιѕнηα ѕιηgн (@iKrishna_KR) September 9, 2020
भारतका अभिनेता सुशान्त सिंह राजपूतको आत्महत्याको विषयमा मुम्बईको चलचित्र जगतको गुटबन्दी दादागिरीबिरुद्ध खुलेर बोल्दै आएकी उनलाई धेरै खाले शक्ति र व्यक्तिहरुले धम्की दिने गरेका थिए ।
