काठमाडौं, ८ पौष । नाजिर हुसेन र सम्पदा बानिया फिचर्ड ‘आँखैमा गाजलु ‘ शीर्षकको म्युजिक भिडियो सार्वजनिक भएको छ।
चर्चित गायिका मेलिना राई र केदार बरुवाल क्षेत्रीको युगल स्वरमा आएको यस गीतमा शब्द र संगीत स्वयंम गायक क्षेत्रीको नै रहेको छ।
यस गीतको संगीत संयोजन उदयराज पौडेलले गर्नुभएको हो ।
राजिव समरले कोरियोग्राफी गरेको यस भिडियोलाई अर्जुन तिवारीले छायांकन गर्नुभएको हो।
सुप्रिम पराजुलीको सम्पादन रहेको यो भिडियो शान थापाको निर्देशनमा तयार पारिएको हो।
स्टुडेण्ट भाइब्स अस्ट्रेलियाको प्रायोजन रहेको यस भिडियोलाई स्वयम् गायक क्षेत्रीको अफिसियल युट्युव च्यानल ‘केदार बरुवाल क्षेत्री अफिसियल’ मार्फत सार्वजनिक गरिएको हो।
