बाग्लुङ, २२ माघ । प्रदेश नम्बर ४ स्तरीय प्रथम मेयर कप नकआउट फुटबल प्रतियोगिताको उपाधि वालिङ नगरपालिका, स्याङ्जाले जित्न सफल भएको छ ।
फाइनल खेलमा वालिङले लेखनाथ नगरपालिकालाई ० १ गोलको झिनो अन्तरले हराउँदै उपाधि जित्न सफल भएको हो ।
वालिङको जितमा खेलको शुरुवाती मिनटमै सफल थापाले गरेको एक मात्र गोल खेलको निर्णायक गोल बन्न पुग्यो ।
बिजेता बनेको वालिङले उपाधिसहित २लाख २२ हजार २ सय २२ रुपैयाँ हात पारेको छ भने उपविजेता बनेको लेखनाथले १लाख११ हजार १ सय ११ मा चित्त बुझाएको छ ।
वालिङका राजाबाबु थापा प्रतियोगिताकै उत्कृष्ट खेलाडी घोषित भए । उनले नगद दश हजार रुपैया प्राप्त गरे ।
बाग्लुङ नगरपालिकाको आयोजनामा सम्पन्न भएको प्रतियोगितामा प्रदेश नम्बर ४ का कुल ११ नगरपालिकाहरुले सहभागिता जनाएका थिए ।
