Prakash Adhikari June 10, 2021

 

काठमाडौं, २७ जेठ । पूर्वमहालेखा परीक्षक नरकान्त अधिकारीको १०१ वर्षका उमेरमा आज बिहान आफ्नै निवास लैनचौरमा निधन भएको छ ।

निजामती सेवामा लामो अनुभव हासिल गर्नुभएका अधिकारी नेपाल सरकारका अर्थ, रक्षा र कृषि सचिव पनि हुनुभएको थियो ।

उहाँले नेपालको निजामती प्रशासन र धार्मिक विषयमा पुस्तकहरू पनि लेख्नुभएको छ । उहाँको भक्ति सूत्र, श्रीमद्भागवत गीता मैले बुझेका केही कुरा,पतञ्जली योगशास्त्र लगायत पुस्तकहरु आध्यात्मिक झुकाव भएका नेपालीहरुले धेरै मन पराएका पुस्तकमा पर्दछन् ।

नेपालको निजामती प्रशासनमा आदर्शका रुपमा रहनुभएका अधिकारी सादा जीवन र उच्च विचारका धनी मानिनुहुन्थ्यो ।

उहाँका दुई छोरा र एक छोरी हुनुहुन्छ ।

उहाँको आजै आर्यघाटमा अन्तिम संस्कार गरिएको छ ।

Share Now

Leave a comment.

Your email address will not be published. Required fields are marked*