काठमाडौं, १३ फागुन । नेपाल धितोपत्र बोर्डका अध्यक्ष डा. रेवतबहादुर कार्कीलाई मातृशोक परेको छ ।
डा.कार्कीकी आमा राधादेवी कार्कीको ८७ वर्षको उमेरमा काठमाडौंको जोरपाटीस्थित शंकरापुर अस्पतालमा उपचारका क्रममा निधन भएको हो ।
उहाँको पार्थिव शरीरको शुक्रबार नै पशुपतिस्थित आर्यघाटमा अन्त्येष्टि गरिएको छ।
राधादेवीका डा. कार्की सहित ३ छोरा र १ छोरी छन् ।
माम्खाली मुडुला कार्की समाज ओखलढुंगाले पाँच दिने मृत्यु संस्कार अनुशरण गर्ने निर्णयानुसार आज(आइतबार) तेस्रो दिन ढिकुरो फुटाउने र गहुँत खाने कार्यक्रम राखिएको छ ।
