चन्द्रगढी(झापा),१६ फागुन । झापा गोल्डकप आयोजक कमिटीको आयोजनामा यहि फागुन १९ गतेदेखि शुरु हुन गईरहेको तेस्रो रमपम झापा गोल्डकपको खेलतालिका सार्वजनिक गरिएको छ । प्रतियोगिताको उदघाटन खेलमा आयोजक रमपम झापा–११ ले सुदुरपश्चिम–११ को सामना गर्नेछ ।

झापास्थित दोमालाल फुटबल मैदानमा फागुन २८ गतेसम्म चल्ने प्रतियोगितामा नेपाल र भारतका गरी कुल १० टोलीहरुको सहभागिता रहेको छ । प्रतियोगिताको बिजेताले १२ लाख ५१ हजार हात पार्नेछ भने उपविजेताले ६ लाख प्राप्त गर्नेछ । त्यस्तै प्रत्येक खेलको म्यान अफ द म्याचले २५ हजार प्राप्त गर्नेछ ।