मुगु, २२ फागुन । मुगु जिल्लाका यु–१४ गल्र्स् फुटबल टोलीले स्पेनमा आयोजना हुने प्रतिष्ठित डोनोस्टी कप फुटबल च्याम्पियनसिपमा सहभागिता जनाउने भएको छ ।
आउँदो जुलाई १ देखि १७ तारीखसम्म आयोजना सो च्याम्पियनसिपका लागि १७ खेलाडीलाई छनौट गरिएको छ ।
सुनकलीका चर्चित निर्देशक भोजराज भाट र उनको समूहले गल्र्स् फुटबल टोलीलाई प्रशिक्षण दिईरहेका छन् ।
खेलाडीको छनौटमा राजलक्ष्मी बुढा, रामदेवी बुढा, रीतादेवी रोकाया, भाग्यलक्ष्मी भम, बिमना मल्ल, रामकली बोहरा, हिमाली शाही, पुष्पादेवी शाही, रोशनी कामी, संगीता थापा, सतमा बुढा, सोचपुरा महतारा, सत्यलक्ष्मी बुढा, उर्मिला बढुवाल, स्वस्तिका मल्ल, सुनमति बुढा र यमुना चौलागाई परेका छन् ।
