काठमाडौं, २९ फागुन । फागुन महिनाको अन्तिम साताको पहिलो कारोबार दिन नेपालको शेयर बजारमा हरियाली छाएको छ। यस दिन नेप्से परिसूचक १०१.०७ अंक बढेर २६६७.९७ विन्दुमा पुगेको छ।

नेप्सेसँगै यस दिन कारोबार रकम पनि बढेको छ। यस दिन २ सय २८ कम्पनीका ९० लाख २२ हजार कित्ता शेयर खरिदबिक्री हुँदा ४ अर्ब ८७ करोड ७ लाख १५ हजार रुपैयाँ बराबरको कारोबार भएको छ।

यस दिन १३ वटै उपसमूहको परिसूचक बढेका छन्। जसमध्ये जीवन बीमा उपसमूहको परिसूचक सर्वाधिक ६.९५ प्रतिशत बढेको छ। त्यस्तै, यस दिन होटल तथा पर्यटन, वित्त र उत्पादन तथा प्रशोधन उपसमूहको परिसूचक ५ प्रतिशतभन्दा बढी बढेको छ भने व्यापार, विकास बैंक, निर्जीवन बीमा र लगानी उपसमूहको परिसूचक ४ प्रतिशतभन्दा बढी बढेका छन्।

Sub-Indices	Current	Points Change	%Change
Banking	1,719.68	54.71	3.29
Trading	2,708.48	113	4.35
Hotels And Tourism	3,115.98	158.69	5.37
Development Bank	4,652.92	210.56	4.74
HydroPower	3,195.79	75.65	2.42
Finance	2,242.83	107.01	5.01
Non Life Insurance	11,965.60	567.87	4.98
Manu.& Pro.	6,448.99	308.06	5.02
Others	2,340.58	86.62	3.84
Microfinance	5,097.28	163.78	3.32
Life Insurance	14,213.54	922.16	6.94
Mutual Fund	15.60	0.17	1.12
Investment	88.49	3.81	4.49

आइतबार ५ उपसमूहको परिसूचक सकारात्मक सर्किट लभेलमा कारोबार भएको छ। यस दिन ज्योति लाइफ इन्स्योरेन्स, एशियन लाइफ इन्स्योरेन्स, सानिमा लाइफ इन्स्योरेन्स, कर्पोरेट डेभलपमेन्ट बैंक र इमर्जिङ्ग नेपालको शेयरमूल्य सकारात्मक सर्किट लेभलमा कारोबार भएको छ।

त्यसैगरी, यस दिन राष्ट्रिय बीमा कम्पनीको संस्थापक शेयर, सूर्या लाइफ इन्स्योरेन्स र मञ्जुश्री फाइनान्सको शेयरमूल्य ९ प्रतिशतभन्दा बढी बढेको छ। त्यसपछि शिभम् सिमेण्ट र प्रिमियर इन्स्योरेन्सको शेयर मूल्य बढेको छ ।

Top Gainers

यस दिन १३ स्टकको मूल्य मात्र घटेको छ जसमध्ये अधिकांश ऋणपत्र र म्युचुअल फण्ड रहेका छन्।

Top Losers

कारोबार रकमका आधारमा यस दिन शिवम् सिमेन्ट्स शीर्ष स्थानमा रहेको छ। सो कम्पनीको यस दिन ३४ करोड ३६ लाख रुपैयाँ बराबरको शेयर खरिदबिक्री भएको छ। त्यसैगरी, यस दिन अपि पावरको ३० करोडभन्दा बढीको शेयर कारोबार भएको छ भने आईसीएफसी फाइनान्सको २१ करोडभन्दा बढीको शेयर किनबेच भएको छ ।

Top 10 Turnovers