इलाम, ६ चैत्र । पूर्वप्रधानमन्त्री एवम् नेकपा (एकीकृत समाजवादी) का सम्मानित नेता झलनाथ खनालको निर्वाचन क्षेत्रमा नेकपा एमालेले शक्ति प्रदर्शन गरेको छ।
एमाले अध्यक्ष केपी शर्मा ओलीको उपस्थितिमा नेकपा एकीकृत समाजवादीका नेता खनालको निर्वाचन क्षेत्रमा पर्ने इलामको सूर्योदय नगरपालिकामा जनसभा गरिएको हो।
एमालेले झलनाथको निर्वाचन क्षेत्रमा हजारौँ नेता कार्यकर्ता उतारेर शक्ति प्रदर्शन गरिरहेको छ ।
सभामा एमाले दलका उपनेता सुवास नेम्वाङ पनि सहभागी हुनुहुन्छ । उहाँले पनि इलामबाटै निर्वाचन जित्दै आउनुभएको छ।
एमाले सूर्योदय नगर कमिटीको आयोजनामा जनसभा गरिएको बताइएकोछ।
खनाल इलाम निर्वाचन क्षेत्र नम्बर १ बाट गत निर्वाचनमा एमालेबाटै विजयी हुनुभएको थियो।
तर उहाँ समाजवादीतिर लागेपछि पहिलोपटक अध्यक्ष ओलीको उपस्थितिमा एमालेले सूर्योदयमा जनसभाको गरेको हो।
