अमेरिकी सेनाका एशिया प्रशान्त कमाण्डर फ्लिन स्वदेश फिर्ता ; नेपाली सेना भरपर्दो जमिनी शक्ति भएको कथन
काठमाडौं, ३० जेठ । अमेरिकी सेनाका एसिया–प्रशान्त क्षेत्र प्रमुख चार्लस ए फ्लिन स्वदेश फर्किनुभएको छ ।
उहाँलाई आइतबार नेपाली सेनाका बलाधिकृत रथी बालकृष्ण कार्कीले त्रिभुवन अन्तर्राष्ट्रिय विमानस्थलबाट बिदाई गर्नुभएको हो ।
चार दिने औपचारिक भ्रमणमा नेपाल आएका सैनिक जनरल फ्लिनले आइतबार पाँचखालस्थित नेपाली सेनाको वीरेन्द्र शान्ति कार्य तालिम केन्द्र र शिवपुरीस्थित सैनिक कमाण्ड एण्ड स्टाफ कलेजको भ्रमण गर्नुभयो ।
उहाँ जेठ २६ मा सद्भावना भ्रमणमा नेपाल आइपुग्नुभएको थियो ।
General Charles A. Flynn, Commander of the United States Army Pacific Command (USARPAC), left Kathmandu on June 12, 2022, after a four-day official visit. Lt Gen Bal Krishna Karki, Vice Chief of the Army Staff (VCOAS), bid farewell at TIA. pic.twitter.com/ghQOLs2kVX
— Nepali Army (@NepaliArmyHQ) June 12, 2022
उहाँले शिवपुरीमा तालिमरत शिक्षार्थी अधिकृतहरुसँग अन्तरक्रिया गर्दै नेपाली सेना भरपर्दो जमिनी शक्ति रहेको प्रतिक्रिया दिनुभएको थियो ।
शिवपुरीमा आयोजित अन्तरक्रिया कार्यक्रममा फ्लिनले भन्नुभयो–‘नेपाली सेना भरपर्दो जमिनी शक्ति र संसारकै पुरानो सेनाहरुमध्ये रहेको छ ।’
सैनिक कमाण्ड तथा स्थाफ कलेजमा उहाँले वृक्षारोपण पनि गर्नुभयो ।
सन् २०२१ जुनदेखि एसिया–प्रशान्त क्षेत्रको प्रमुख रहनुभएका फ्लिनले पाँचखालस्थित वीरेन्द्र शान्ति कार्य तालिम केन्द्रमा विभिन्न प्रदर्शनीको अवलोकन गर्नुभयो ।
अमेरिकी सैनिक जनरललाई तालिम केन्द्रको वस्तुस्थितिबारे जानकारी गराइएको नेपाली सेनाले जनाएको छ ।
