शीर्ष ब्याट्सम्यान धराशायी भएको बेला कप्तान रोहितको अर्धशतक, खेलको जित हार रोहितको प्रदर्शनमा निर्भर
कीर्तिपुर(काठमाडौं), ९ फागुन । आईसीसी पुरुष विश्वकप क्रिकेट लिग २ अन्तर्गत एक दिवसीय त्रिकोणात्मक सिरिजमा कप्तान रोहित पौडेलले अर्धशतक पूरा गरेका छन्।
लगातार विकेट पतनसँगै संकटको अवस्थामा रहेको नेपालका लागि रोहितले अर्धशतक हानेका हुन्।
रोहितले ३० औँ ओभरको पहिलो बलमा अर्धशतक पुरा गरे। उनले ५४ बलमा ४ चौका र २ छक्का हाने। रोहितको यो सातौँ अर्धशतक हो।
३२ औं ओभरमा १ सय ४९ रन बनाउँदा ८ विकेट गुमाएको नेपाल संकटको अवस्थामा छ।
कप्तान रोहितको धैर्यतापूर्वक खेल्ने बानीले रन अन्तर घटाउदै छ । उनका लागि साथ दिने खेलाडीले यतिकै धैैर्य राख्न सके नेपाललाई खेल जित्न कठिन छैन । किनका खेल जित्न नेपालले १ सय ५ बलबाट ७२ रन जित्नु छ ।
मैदानमा अहिले कप्तान पौडेललाई करन के.सीले साथ दिइरहेका छन् ।
