काठमाडौं, २४ फागुन । आइसीसी पुरुष विश्वकप क्रिकेट लिग २ अन्तरगतको अन्तिम त्रिकोणात्मक ओडीआई श्रृंखला भोलिदेखि कीर्तिपुरस्थित त्रिभुवन अन्तर्राष्ट्रिय क्रिकेट मैदानमा हुँदै छ ।
नेपाल, पपुवा न्युगिनी र युएईबीच हुने यो खेलका लागि नेपाल क्रिकेट एशोसिएशनले १४ सदस्यीय टोली घोषणा गरेको छ ।
नेपालले युएई भ्रमणमा टोलीमा रहेका मौसम ढकाल र सन्दीप जोरालाई वैकल्पिक खेलाडीको सूचिमा राखेको छ । अन्य कुनैपनि खेलाडी परिवर्तन गरेको छैन । युएईसँगको अन्तिम खेल गुमाएका कुशल भुर्तेल टोलीमा फर्किएका छन् ।
नेपाल शीर्ष तीनमा रहँदै सोझै विश्वकप छनोट खेल्न भने बाँकी सबै खेल जित्नुपर्ने हुन्छ । नेपालले बाँकी चार खेल जित्दा टोलीको कुल ४० अंक हुनेछ । नामिबिया ३९ अंकका साथ तेस्रो स्थानमा छ । ४० अंक हुँदा नेपालले नामिबियालाई पछि पार्दै तेस्रो स्थानमा अन्त्य गर्नेछ ।
नेपाल ३२ खेलमा १५ मा जित र १५ मा हारसहित ३२ अंकका साथ पाँचौं स्थानमा छ । नेपालले अव दुई खेल जिते ३६ अंक हुनेछ । अमेरिका ३६ खेलमा १६ मा जित र १७ मा हारसहित ३५ अंकका साथ चौथो स्थानमा छ । दुई जित शीर्ष पाँचमा पर्दै सोझै ओडिआई मान्यता जोगाउन पर्याप्त हुनेछ ।
नेपालले भोलि बिहीबार(९ मार्चमा) टियु मैदानमा पपुवा न्युगिनीसँग खेल्नेछ । त्यसपछि नेपाली टोलीले मार्च १२ मा युएई, मार्च १३ मा पपुवा न्युगिनी र मार्च १६ मा युएईसँग खेल्नेछ ।
स्कटल्याण्ड र नामिबियासंगको त्रिदेशीय श्रृखलामा जस्तै ब्याटिड.मा नेपाल सम्हालिन सक्यो भने नेपालले चार खेलमा चारै जित सहजै निकाल्न सक्ने छ । घरेलु मैदान र अनुकूल हावापानीको लाभ नेपाली खेलाडीलाई रहेको छ । त्यसको साथमा नेपाली दर्शकले दिने हौसलाले नेपाली टिमको प्रदर्शन झन उच्च स्तरको हुने अनुमान गरिएको छ ।
Game on! 🏏
Our squad is ready to take on the CWCL2 tri-series against UAE and PNG in Kirtipur, starting this Thursday! We're looking forward to some great cricket and wish our team the best of luck.#CWCL2 #NEPvPNG #NEPvUAE #weCAN pic.twitter.com/IUWR7sHA8Y— CAN (@CricketNep) March 7, 2023
नेपालको टोली
रोहित पौडेल (कप्तान), दीपेन्द्रसिंह ऐरी, ज्ञानेन्द्र मल्ल, आसिफ शेख, करण केसी, सोमपाल कामी, कुशल भुर्तेल, ललितनारायण राजवंशी, भीम सार्की, कुशल मल्ल, सन्दीप लामिछाने, गुलशन झा, आरिफ शेख र प्रतिश जि.सी. ।
