काठमाडौं, २६ श्रावण । त्रिभुवन विमानस्थलबाट भन्सार छलेर कटाइएको एक किलो सुन तस्करी प्रकरणमा प्रहरीले व्यापारी रोहन अकुडियालाई पक्राउ गरेको छ ।
प्रहरीले अकुडियालाई त्रिभुवन अन्तर्राष्ट्रिय विमानस्थलबाट शुक्रबार पक्राउ गरेको हो।
दिल्लीबाट एडिक एयरमार्फत दिउँसो १ बजे विमानस्थल आइपुगेका अकुडियालाई प्रहरीले पक्राउ गरेर राजस्व अनुसन्धान विभागको जिम्मा लगाएको छ।
यही साउन २ गते भन्सार नतिरिकना त्रिभुवन विमानस्थलको भन्सार जाँचपासबाट सुनियोजित तवरले गाडीमा हालेर बाहिर लैजान लाग्दा राजश्व अनुसन्धान विभागले ट्याक्सीसहित भन्सार एजेण्ट र सुन तस्करीमा संलग्न व्यक्तिलाई पक्राउ गरेको थियो ।
यस प्रकरणमा प्रहरीले झण्डै दुई दर्जन व्यक्तिलाई समातेर बयान लिइरहेको छ ।
आज बिहानमात्र त्रिभुवन एअरपोर्टबाट स्वदेश जान लागेको दुई जना चिनिया नागरिकलाई प्रहरीले पक्राउ गरेको थियो ।
