ललितपुर, ११ माघ । नेपाल इन्भेष्टमेण्ट मेगा बैंक लिमिटेडले बिहीबारदेखि ललितपुरमा थप दुई नयाँ शाखाहरु सञ्चालनमा ल्याएको छ ।
बैंकले ललितपुरं महानगरपालिका वडा नं. १५ मा सातदोबाटो र ललितपुर महानगरपालिका वडा नं. २५ मा भैंसेपाटी नयाँ शाखाहरु संचालनमा ल्याएको हो ।
नयाँ शाखाहरुबाट बिहीबारदेखि नै सम्पूर्ण बैंकिङ सेवाहरु सुरु भएको छ ।
भिन्दाभिन्दै कार्यक्रममा बैंकका प्रमुख कार्यकारी अधिकृत ज्योती प्रकाश पाण्डेले नयाँ शाखाहरुको उद्घाटन गर्नुभएको थियो ।
कार्यक्रममा सिइओ पाण्डेले नयाँ शाखाहरुबाट ग्राहकहरुलाई गुणस्तरीय बैंकिङ सेवा तथा सुविधाहरु दिने बताउनुभयो ।
बैंकले हालसालै बाराको सिमरा, काठमाडौंको शंखमूल र अनामनगरमा नयाँ शाखाहरु संचालनमा ल्याएकोे थियो ।
बैंकले हाल देशभरिमा २ सय ६६ शाखा, ६३ वटा एक्सटेन्सन काउन्टर, १ सय १३ वटा शाखारहित बैंकिङ र २ सय ५७ वटा एटीएम बुथमार्फत आफ्ना ग्राहकहरुलाई भरपर्दो सेवा प्रदान गरिरहेको छ ।
