काठमाडौँ, १५ माघ । आईएमई ग्रुपद्धारा सञ्चालित डिजिटल वालेट ‘आईएमई पे’ प्रतिष्ठित ‘एचआरएम(ह्युमन रिर्सोसेज म्यानेजमेन्ट)नेपाल कर्पोरेट एक्सिलेन्स अवार्ड २०२४’बाट सम्मानित भएको छ।
कर्पोरेट क्लब नेपालले प्रदान गर्दै आएको अवार्ड अन्तर्गत फिनटेक समूह मध्येबाट ‘आइएमई पे’ कर्पोरेट एक्सिलेन्स अवार्डबाट सम्मानित भएको हो ।
आईएमई पेका प्रमुख कार्यकारी अधिकृत प्रवीण रेग्मीले यस अवार्डलाई फिनटेक क्षेत्रमा नवप्रवर्तन, नेतृत्वदायी जनशक्ति व्यवस्थापन, सहज ग्राहक सेवा, वित्तीय समावेशीता तथा साक्षरताको उत्थानमा गतिशील रहने कम्पनीको प्रतिबद्धता प्रतिको सम्मानको रुपमा लिएको बताउनुभयो।
कर्पोरेट क्लब नेपालले स्वतन्त्र निर्णायक मण्डलमार्फत मूल्यांकन गरार्इ नेपालको कर्पोरेट क्षेत्रका विभिन्न विधाहरूमा अवार्ड प्रदान गर्दै आइरहेको छ।
