मूलपानी(काठमाडौं) , ८ फागुन । नेपाल र क्यानडा ११ बीच भैरहेको एकदिवसीय श्रृखलाको सिरिजको दोस्रो खेलमा नेपाल ‘ए’ ले टस जितेको छ ।
मुलपानी क्रिकेट मैदानमा नेपाल ‘ए’ का कप्तान सन्दीप जोराले टस जितेर फिल्ड गर्ने निर्णय लिएका छन् ।
आजको खेलमा नेपाल ‘ए’ टोलीमा दुई परिवर्तन भएको छ । कप्तान विनोद भण्डारी विरामी परेपछि नेपाल एले उनको स्थानमा सन्दीप जोरालाई कप्तानी सम्हाल्ने जिम्मेवारी दिएको छ । प्रतिश जिसी र भण्डारीको स्थानमा शेर मल्ल र रिजन ढकाल मैदानमा आएका छन् ।
पहिलो खेलमा क्यानडाले ४ विकेटको जित दर्ता गरेको थियो ।
खेलको प्रत्यक्ष प्रसारण क्यानको जिल्लारप्रदेश फेसबुक पेजबाट गरिएको छ ।
नेपालको प्लेइङ११ कप्तान सन्दीप जोरा, अर्जुन कुमाल, बसीर अहमद, विवेक यादव, किरण ठगुन्ना, मयन यादव, राशीद खान, सागर ढकाल, शाहब आलम, शेर मल्ल, रिजन ढकाल छन् भने जगेडा खेलाडीको रुपमा सुजन थपलिया, हेमन्त धामी, विनोद भण्डारी, आशुतोष घिरैया र प्रतिश जिसी बेञ्चमा बस्ने छन् ।
यस्तै साद बिन जफरको कप्तानीमा रहेको क्यानडा ११मा आरोन जोन्सन, नवनित धलिवल, निकोलस किर्तन, डिलोन हेलिगर, हर्ष ठाकर, , सहिद अहमदजाई, श्रेयास मोभा, सृमन्थ विजयरत्ने, निखिल दत्त र ओमार खालिद प्लेइड. ११ मा छन् । क्यानडा ११ ले जगेडामा दिलप्रित बज्वा, पर्गत सिंह, उदय भगवान सिंह र इश्वरजोत सोहीलाई राखेको छ ।
